சிட்னியில் இருந்து துபாய் சென்று கொண்டிருந்த விமானத்தில் திடீர் தொழில்நுட்ப கோளாறு ஏற்பட்டதால், கொழும்பு பண்டாரநாயக்க சர்வதேச விமான நிலையத்தில் அவசரமாக விமானம் தரையிறக்கப்பட்டது.
எமிரேட்ஸ் இ.கே. 413 என்ற அந்த விமானம், 501 பயணிகளுடன் சிட்னியில் இருந்து துபாய்க்கு புறப்பட்ட சிறிது நேரத்தில் திடீர் கோளாறு ஏற்பட்டது இதையடுத்து கொழும்பு பண்டாரநாயக்க விமான நிலையத்தில் விமானத்தை தரையிறக்க விமானி அனுமதி கோரினார்.
உடனடியாக அனுமதி வழங்கப்பட் டதையடுத்து கொழும்பு பண்டாரநாயக்க விமான நிலையத்தில் நேற்று அதிகாலை விமானம் பத்திரமாக தரையிறக்கப் பட்டது. இதையடுத்து விமானத்தில் இருந்து பயணிகள் மாற்று விமானங்களில் துபாய்க்கு அனுப்பிவைக்கப் பட்டனர்.
எனினும் கோளாறுக்கான காரணம் குறித்து தெரிவிக்க விமான நிலைய அதிகாரிகள் மறுத்துவிட்டனர்.
