கிளிநொச்சி – பச்சிலைப்பள்ளி பிரதேச செயலர் பிரிவு, புதுக்காட்டுச்சந்தி பகுதியில் இன்று (11) வெள்ளிக்கிழமை காலை உந்துருளியுடன் டிப்பர் மோதிய விபத்தில் உந்துருளியில் பயணம் செய்த குடும்பஸ்தர் உயிரிழந்துள்ளார்.
புலோப்பளை மேற்கைச் சேர்ந்த கிருஷ்ணன் நவநீதன் (56-வயது) என்பவரே பலியாகியுள்ளார்.
கிளிநொச்சி நோக்கி பயணித்துக் கொண்டிருந்த உந்துருளி மீது யாழ் நோக்கிய திசையில் வருகை தந்த டிப்பர் புதுகாட்டுச்சந்தியிலுள்ள காபட் நிறுவனத்துக்கு திரும்பிய வேளை மோதி விபத்து ஏற்பட்டுள்ளதாகத் தெரியவருகிறது.
காயமடைந்தவர் சிகிச்சைக்காக கிளிநொச்சி பொது வைத்தியசாலைக்கு கொண்டு செல்லும் வழியில் உயிரிழந்துள்ளார்.
சம்பவம் தொடர்பில் காவல்துறையினர் விசாரணைகளை முன்னெடுத்துள்ளனர்.
