தமிழீழத்தேசிய மாவீரர்நாள் நவம்பர் 27 வணக்க நிகழ்வு தொடர்பான அறிவிப்பு!
அன்பான பிரான்சு வாழ் தமிழீழ மக்களே!
தமிழீழத்தேசிய மாவீரர் நாள் நவம்பர் 27. எம் நெஞ்சங களில் எல்லாம் நீக்கமறக்
குடியிருக்கும் மாவீரர்களை நினைந்துருகி வீரவணக்கம் செலுத்தும் நாள் ஆகும். 2020 இல்
உலகத்தை உலுக்கிக் கொண்டிருக்கும் பெரும் தொற்றினால் (கொவிட்19) பிரான்சு
தேசத்தில் நடைமுறைப்படுத்தப் பட்டிருக்கும் சுகாதார சுயபாதுகாப்புக்கு அமைவாகக் கடந்த
காலங்கள் போன்று இந்த ஆண்டு நாம் ஒன்றாகச் சேர்ந்து தமிழீழத் தேசிய மாவீரர் நாளை
நினைவு கூர முடியாது உள்ளது. இதனால் மாவீரர்களுக்கான வீரவணக்கத்தை எமது
இல்லங்களிலும், வர்த்தக நிலையங்களிலும் நவம்பர் 27 ஆம் நாள் விளக்கேற்றி வீர
வணக்கத்தை செலுத்த வேண்டியது அனைத்துத் தமிழர்களின் வரலாற்றுக் கடமையாகும்.
அந்த வகையில் பிரான்சு தேசத்தின் தற்போதைய சூழலுக்கமைவாக ஒளியேற்றி வணக்கம்
செலுத்துவதற்கு ஏதுவாக மாவீரர்களுக்கான பொதுத் திருவுருவப்படம் தயார்
செய்துள்ளோம். இப்படத்தைப் பெற்றுக்கொண்டு நவம்பர் 27 ஆம் நாள் சரியாக 13.37
மணிக்கு (தாயக நேரம் பி.ப 06.07 மணி) இல்லங்களிலும், பணியிடங்களிலும், வர்த்தக
நிலையங்களிலும், வணக்கத்தலங்களிலும் இத்திருவுருவப் படத்திற்கு முன்பாக விளக்கேற்றி
அந்தப் புனிதர்களை மகிமைப்படுத்துமாறு கேட்டுக் கொள்கின்றோம்.
மாவீரர்களுக்கு பொதுவான திருவுருவப் படத்தைப் பின்வரும் இணையத்தளத்தில் (www.errimalai.com ) தரவிறக்கிக் கொள்ளலாம். மேலும் மின்னஞ்சல், தொலைபேசி மூலமும்
மற்றும் தமிழர் ஒருங்கிணைப்புக் குழு தேசிய செயற்பாட்டாளர்கள் ஊடாகவும் பெற்றுக்
கொள்ளலாம்.
குறிப்பு : மாவீரர் குடும்பத்தைச் சேர்ந்தவர்கள் உங்கள் உரித்தானவர்களின் மாவீரர்
படத்துடன் பொதுப்படத்திற்கும் விளக்கேற்றி வீரவணக்கத்தை செலுத்துமாறு
கேட்டுக்கொள்கின்றோம். முடிந்த வரை நிகழ்வை நிழற்படம் எடுத்து குறித்த எமது
மின்னஞ்சலுக்கு (francecctf@gmail.com) அனுப்பி வைக்குமாறு கேட்டுக்கொள்கின்றோம்.
நன்றி
தொடர்புகளுக்கு : தமிழர் ஒருங்கிணைப்புக்குழு பிரான்சு – மாவீரர்நாள் ஏற்பாட்டுக் குழு
தொலைபேசி :- 01 43 15 04 21, 07 58 71 38 39, 06 95 94 69 68
‘தமிழரின் தாகம் தமிழீழத் தாயகம்’
