வெல்லாவெளி காவல்துறை பிரிவிற்குட்பட்ட திக்கோடை பிரதேசத்தில் நேற்று 09-11-2020 திங்கட்கிழமை இடம்பெற்ற உந்துருளி விபத்தில் படுகாயமடைந்த இளம் குடும்பஸ்தர் சிகிச்சை பலனின்றி இன்று உயிரிழந்துள்ளார். 29 வயதுடைய புவனேசிங்கம்_சுவேகாந்தன் என்பவரே இவ்வாறு பரிதாபகரமாக இன்று 10-11-2020 செவ்வாய்க்கிழமை உயிரிழந்துள்ளதாக காவல்துறையினர் தெரிவித்துள்ளனர்.
பிறந்த தனது குழந்தையைப் பார்க்கச் சென்றவேளையே இந்த அனர்த்தம் இடம்பெற்றதாகத் தெரியவருகிறது.
சம்பவம் பற்றி மேலும் தெரியவருவதாவது,
குறித்த நபர் நேற்று அதிகாலை மட்டக்களப்பு வைத்தியசாலையில் தனக்கு கிடைத்த குழந்தையினை பார்ப்பதற்கு தனது வீட்டிலிருந்து திக்கோடை பிரதேசத்தினூடாக மோட்டார் சைக்கிளில் சென்று கொண்டிருக்கும் போது அதே வீதியினூடாக எதிர்த்திசையில் வந்த மோட்டார் சைக்கிள் மோதியதில் படுகாயமடைந்த நிலையில் களுவாஞ்சிக்குடி ஆதார வைத்தியசாலையில் அனுமதிக்கப்பட்டு மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டு பின்னர் கல்முனை ஆதார வைத்தியசாலைக்கு மாற்றப்பட்டு சிகிச்சை பெற்று வந்த நிலையில் சிகிச்சை பலனின்றி உயரிழந்துள்ளார்.
