வெட்டுவாய்க்கால் நந்திக்கடலில் சட்டவிரோதமான முறையில் மேற்கொள்ளப்படும் தடைசெய்யப்பட்ட தொழில் முறைகளை நிறுத்தி எமது வாழ்வாதாரத்தைக் காப்பாற்றுங்கள் என வடமாகாண சபை உறுப்பினர் துரைராசா ரவிகரனிடம் முல்லை கரையோரக் கிராமங்களைச் சேர்ந்த மக்கள் கோரிக்கை விடுத்துள்ளனர்.
இது தொடர்பில் தெரியவருவதாவது,
வடமாகாண சபை உறுப்பினர் து.ரவிக ரன் இல்லத்தில் கள்ளப்பாடு, சிலாவத்தை, மணற்குடியிருப்பு, வண்ணாங்குளம், செல்வபுரம் ஆகிய கரையோரக் கிராமங்களைச் சேர்ந்த மக்களுக்கிடையில் சந்திப்பொன்று நடைபெற்றிருந்தது.
இதன்போது, தொடர்ந்துவரும் சட்டவிரோதிகளின் முறையற்ற மீன்பிடி முறைகளால் ஆண்டாண்டு காலம் வீச்சுத் தொழிலையே நம்பியிருக்கும் தம் மக்களின் வாழ்வாதாரம் பாதிக்கப்பட்டு வருகின்றது.
தடைசெய்யப்பட்ட வலைகளும் கிபிர்கூடு என்று சொல்லப்படும் கூடுகளும் பயன்படுத்தப்பட்டு வெட்டுவாய்க்கால் நந்திக் கடலின் வளம் சூறையாடப்பட்டு வருதல் தடுத்து நிறுத்தப்படவேண்டும். அதன் மூலம் நாளாந்த வருமானத்தைக் கொண்டு எம்வாழ்க்கையை முன்னெடுக்கும் பல்லாயிரக்கணக்கான வீச்சுத் தொழிலாளிகள் மீதான நெருக்கடிகள் களையப்படவேண்டும் எனக் கோரினர்.
இவ்வாண்டு முழுவதும் தொழில் செய்யக்கூடிய வகையில் இறால் குஞ்சுகள் பெருகியிருக்கின்றன. நாளாந்தம் இரண்டாயிரம் மூவாயிரம் அளவில் அனைவரும் உழைத்த நிலையில் தற்போது உள்ளூரிலும் வெளியூரிலும் உள்ள சிலர் சட்டவிரோதத் தொழிலை முன்னெடுப்பதால் வீச்சுத் தொழில் பாதிக்கப்பட்டு வருகின்றது. போதியளவு வருமானத்தினைப் பெறத் தவறும் வீச்சுத் தொழிலாளிகளின் நாளாந்த வாழ்க்கையும் கேள்விக்குள்ளாகின்றது எனவும் சுட்டிக்காட்டினர்.
மக்கள் பிரதிநிதிகளின் கருத்துக்களைக் கேட்டறிந்த வடமாகாண சபை உறுப்பினர் து.ரவிகரன், நன்னீர் மீன்பிடியானது வடமாகாண சபை-யின் கட்டுப்பாட்டுக்குள் வருகின்றது. சட்டவிரோதத் தொழில் செய்பவர்களை நிறுத்தும் நடவடிக்கையை மாகாண மீன்பிடி நன்னீர் மீன்பிடி அமைச்சு முல் லைத்தீவு கடற்றொழில் திணைக்களத்து டன் இணைந்து செய்யும். எதிர்வரும் மாகாண சபை அமர்விலும் மீன்பிடி நன்னீர் மீன்பிடி அமைச்சின் ஆலோ-சனைக் கூட் டத்திலும் இது விட-யங்களைச் சமர்ப்பித்து உரிய நடவ-டிக்கை-களைத் துரிதமாக எடுப் பதற்கு ஆவன செய்வேன் என்றார்.
