மட்டக்களப்பு, வாழைச்சேனை பகுதியில் இடம்பெற்ற வாகன விபத்தில் ஒருவர் உயிரிழந்துள்ளதுடன், மூவர் காயமடைந்துள்ளனர்.
இரண்டு மோட்டார் சைக்கிள்கள் இன்று மதியம் 12 மணியளவில் நேருக்குநேராக மோதியுள்ளதாக பொலிஸார் தெரிவிக்கின்றனர்.
விபத்தில் காவத்தமுனை பாடசாலை வீதியைச் சேர்ந்த 22 வயதான இளைஞன் உயிரிழந்துள்ளார்.
காயமடைந்த மூவரும் வைத்தியசாலையில் அனுமதிக்கப்பட்டுள்ளதுடன், விபத்து தொடர்பில் அவர்களிடம் வாக்குமூலம் பதிவுசெய்யப்பட்டுள்ளதாக பொலிஸார் குறிப்பிட்டனர்.
விபத்து தொடர்பில் வாழைச்சேனை பொலிஸார் விசாரணைகளை மேற்கொண்டு வருகின்றனர்.
