தெற்காசியாவில் எதிர்பாராத திடீர் விபத்துக்களால் உயிரிழக்கும் சிறுவர்களின் தொகை வருடாந்தம் 389,000 வரை அதிகரித்துள்ளாக யுனிசெப் அமைப்பின் இலங்கைக்கான பிரதிநிதி கெரொலின் பெக்கர் தெரிவித்தார்.
சுகாதார அமைச்சின் கல்வி பணியகத்தில் நேற்று வியாழக்கிழமை இடம்பெற்ற ஊடகவியலாளர் சந்திப்பின் போதே அவர் மேற்கண்டவாறு தெரிவித்தார்.
இது தொடர்பில் அவர் மேலும் தெரிவிக்கையில்,
சூழல் பாதுகாப்பு, எதிர்பாராத விபத்துக்களிலிருந்து பாதுகாப்பு என்பன சிறுவர்களுக்கான உரிமைகளாகும்.வருடாந்தம் விபத்துக் களில் மட்டும் 15 வயதுக்குட்பட்ட சிறுவர் கள் மில்லியன் கணக்கில் உயிரிழக்கின்றனர்.
இது குறித்து பெற்றோர் விழிப்புணர்வு டன் செயற்பட வேண்டும். பெற்றோரின் அறியாமையின் நிமித்தமும் பொறுப்புணர்வற்ற காரணங்களினாலுமே சிறார்களின் உயிர்கள் பரிதாபகரமாக காவு கொள்ளப்படுகின்றது.
குறிப்பாக மூச்சுத்திணறல்,நீரில் மூழ்குதல், வீதி விபத்துக்கள்,எரிகாயங்கள்,விலங்குக ளால் தாக்கப்படல் போன்ற பல்வேறு காரணங்களினால் சிறுவர்கள் பாதிக்கப்படுகின்றனர்.சிறந்த முறையில் அமைக்கப்பட்ட தொடர்பாடல் முறையினை பயன்படுத்துவ தன் மூலம் சிறுவர்களுக்கு ஏற்படும் விபத்துக்களை தடுக்கவும் கட்டுப்படுத்தவும் முடி யும். அத்தோடு முன்னெச்சரிக்கைகளை முன்னெடுக்கவும் பாதுகாப்பையும் பெற முடியும்.
பொதுவாக சிறுவர்கள் உடல் அளவு, வளர்ச்சி, அனுபவக்குறைவு, அறியாமை போன்ற காரணங்களினால் இலகுவில் காயங்களுக்குட்படுகின்றனர். இலங்கை யில் 5 வயதுக்கு குறைந்த குழந்தைகளின் மரணத்தில் 4 ஆவது பெருங்காரணியாக சிறுவர் காயங்கள் அமைந்துள்ளன. 2009 ஆம் ஆண்டு சீமாட்டி வைத்தியசாலையின் அறிக்கையின் படி சிறுவர் மரண வீதம் அதிகரித்துள்ளது. அத்தோடு ஐ.நா. சபையின் சிறுவர் உரிமைகளுக்கான பிரிவு சிறுவர் பாதுகாப்பினையும் சிறுவர் உரிமையாக்கி யுள்ளது. அதன் பிரகாரம் சிறுவர்களை பாது காப்பது சமூகத்தவரின் கடமையாகிறது என் றார்.
Home
சிறப்பு செய்திகள் தெற்காசியாவில் திடீர் விபத்துக்களால் உயிரிழக்கும் சிறுவர்களின் தொகை அதிகரிப்பு: யுனிசெப்!
