பிரான்சு ஆர்ஜொந்தைப் பகுதியில் அமைந்துள்ள தியாக தீபம் லெப்.கேணல் திலீபன் அவர்களின் நினைவாலயப் பகுதியில் நினைவேந்தல் நிகழ்வுகள் கடந்த (15.09.2020) செவ்வாய்க்கிழமை காலை 10.00 மணி முதல் உணர்வெழுச்சியுடன் ஆரம்பமாகி இன்று (25.09.2020) வெள்ளிக்கிழமை காலை 10.00 மணிக்கு பதினோராவது நாள் நிகழ்வுகள் இடம்பெற்றிருந்தன.
இந்நிகழ்வில் ஈகைச்சுடரினை ஆர்ஜொந்தை தமிழ்ச்சோலை முன்னாள் நிர்வாகி திருமதி ராணி அவர்கள் ஏற்றிவைத்து மலர் வணக்கம் செலுத்தினார்.
அகவணக்கத்தைத் தொடர்ந்து அனைவரும் சுடர்ஏற்றி மலர்வணக்கம் செய்தனர்.
தொடர்ந்து நாளை 26.09.2020 சனிக்கிழமை 14.00 மணிக்கு தமிழீழத் தேசியக் கொடியேற்றலுடன் தியாக தீபம் லெப்.கேணல் திலீபன் மற்றும் கேணல் சங்கர் ஆகியோரின் நினைவான சிறப்பு நிகழ்வுகள் இடம்பெறவுள்ளன.
இதேவேளை நாளை (26.09.2020) சனிக்கிழமை குறித்த பகுதியில் பிரான்சு தமிழ் தமிழ் இளையோர் அமைப்பினர் காலை 9.00 மணிமுதல் மாலை 19.30 மணிவரை அடையாள உணவு தவிர்ப்பு போராட்டத்தை நடாத்தவுள்ளமை குறிப்பிடத்தக்கது.
(பிரான்சு தமிழர் ஒருங்கிணைப்பு குழு –ஊடகப்பிரிவு )
