மட்டக்களப்பு மாவடிவேம்பு வீமன் பேருந்து தரிப்பிடத்திற்கு அருகில் இடம்பெற்ற விபத்தில் இளைஞர் ஒருவர் உயிரிழந்ததோடு மேலும் மூவர்படுகாயமடைந்துள்ளனர்.
இன்று திங்கட்கிழமை காலை இரு உந்துருளிகள் நேருக்கு நேர் மோதியதில் இவ்விபத்து இடம்பெற்றுள்ளது.
சம்பவத்தில் சித்தாண்டி திருநாவுக்கரசு வீதியைச் சேர்ந்த நாகராசா சதீஸ் (வயது 22) என்ற இளைஞரே உயிரிழந்துள்ளார்.
32 வயதுடைய மாவடிவேம்பு கிராமத்தைச் சேர்ந்த எஸ்.சுபேந்திரன், 18 வயதுடைய மகேஸ்வரன் தவசீலன் மற்றும் 26 வயதுடைய கருணாகரன் தனுசன் ஆகியோர் படுகாயமடைந்த நிலையில் மாவடிவேம்பு மருத்துவமனையில் அனுமதிக்கப்பட்டனர்.
இவர்களில் சுபேந்திரன், தவசீலன் ஆகியோர் மேலதிக சிகிச்சைக்காக மட்டக்களப்பு போதனா வைத்தியசாலையின் அவசர சத்திரசிகிச்சைப் பிரிவில் அனுமதிக்கப்பட்டுள்ளனர்.
