பிரான்சு ஆர்ஜொந்தைப் பகுதியில் அமைந்துள்ள தியாக தீபம் லெப்.கேணல் திலீபன் அவர்களின் நினைவாலயப் பகுதியில் நினைவேந்தல் நிகழ்வுகள் கடந்த (15.09.2020) செவ்வாய்க்கிழமை காலை 10.00 மணி முதல் உணர்வெழுச்சியுடன் ஆரம்பமாகி இன்று (17.09.2020) வியாழக்கிழமை காலை 10.00 மணிக்கு மூன்றாவது நாள் நிகழ்வுகள் இடம்பெற்றிருந்தன.
இந்நிகழ்வில் ஈகைச்சுடரினை ஆர்ஜொந்தை தமிழ்ச்சங்க உறுப்பினர் திரு.பாலன் அவர்கள் ஏற்றிவைக்க பிரான்சு தமிழர் ஒருங்கிணைப்பு குழு மாவீரர் பணிமனை துணைப் பொறுப்பாளர் திரு.பாக்கியநாதன் அவர்கள் மலர்வணக்கம் செலுத்தினார்.
அகவணக்கத்தைத் தொடர்ந்து அனைவரும் சுடர்ஏற்றி மலர்வணக்கம் செய்தனர்.
தொடர்ந்து 26.09.2020 சனிக்கிழமை வரை குறித்த நினைவேந்தல் இடம்பெறவுள்ளது.
(பிரான்சு தமிழர் ஒருங்கிணைப்பு குழு – ஊடகப்பிரிவு)
