பெரு வெற்றிப் பயத்தில் தமிழ்த் தேசிய மக்கள் முன்னணியின் இறுதி தேர்தல்பிரச்சாரப் பரப்புரை செய்தியை தமிழ் பத்திரிகைகள் இருட்டடிப்பு செய்துள்ளதாக தமிழ்த்தேசிய மக்கள் முன்னணியின் செயலாளர் செல்வராசா கஜேந்திரன் தெரிவித்துள்ளார்.

குறிப்பிட்ட ஒரு பத்திரிகை தவிர இன்றைய தமிழ் நாளிதழ்கள் தமிழ்த் தேசிய மக்கள் முன்னணியின் இறுதிப் பிரச்சாரக் கூட்டம் தொடர்பிலான செய்திகளை இருட்டடிப்பு செய்துள்ளன.

அதுவும் குறித்த ஒரு பத்திரிகை தனியே சுமந்திரனுக்கு புகழாரம் சூட்டியுள்ளது.

தேசத்தின் விடியலுக்கான உண்மையான பயணத்தை மேற்கொள்ளும் தமிழ்த் தேசிய மக்கள் முன்னணி சரியான திசையில் பயணிப்பதாலும் மக்கள் ஆதரவு பெருகி வருவதாலும் பத்திரிகை முதலாளிகளும், பத்திரிகை ஆசிரியர்களும் அதிர்ச்சியடைந்துள்ளனர்.

அதன் விளைவே இந்த இருட்டடிப்பு…. எல்லா அயோக்கியத்தனங்களையும் தாண்டி முன்னணி முன்னேறும் என அவர் மேலும் தெரிவித்தார்.