முல்லை.தேவிபுரத்தில் கிணற்றில் வீழ்ந்து சிறுவன் உயிரிழப்பு!

முல்லைத்தீவு – புதுக்குடியிருப்பு பொலிஸ் பிரிவு, தேவிபுரம் பகுதியில் வீட்டில் விளையாடிக்கொண்டிருந்த சிறுவன் ஒருவன் கிணற்றில் தவறி விழுந்து உயிரிழந்த சம்பவம் இன்று (11) வியாழக்கிழமை மாலை இடம்பெற்றுள்ளது.

இந்தச் சம்பவத்தில் வள்ளிபுனம் மகாவித்தியாலயத்தில் கல்வி கற்கும் தேவிபுரம் (அ) பகுதியை சேந்த 11 வயதுடைய வடிவேல் வினுஜன் என்ற சிறுவனே உயிரிழந்துள்ளான்.

வீட்டில் உணவை அருந்திவிட்டு விளையாடிக்கொண்டிருந்த சிறுவனைக் காணவில்லை எனத் தேடியபோது கிணற்றுக்குள் இருப்பது தெரியவந்தது.

உடனடியாக அவரை உறவினர்களின் உதவியோடு மீட்டு புதுக்குடியிப்பு வைத்தியசாலைக்கு எடுத்து சென்றபோதும் அச்சிறுவன் ஏற்கெனவே உயிரிழந்துள்ளார் எனத் தெரிவிக்கப்பட்டது.