யாழ்ப்பாணம், ஊர்காவற்றுறைப் பகுதியில் சிறுமி ஒருவரை பாலியல் துஷ்பிரயோகத்துக்கு உட்படுத்திய சந்தேக நபரை பொலிஸார் தேடி வருகின்றனர். இவர் தலைமறைவாகியுள்ளதாகத் தெரிவிக்கப்படுகின்றது.
இது குறித்து மேலும் தெரியவருவதாவது; ஊர்காவற்றுறை – நாரந்தனைப் பகுதியைச் சேர்ந்த 13 வயது மாணவி ஒருவர் தொடர்ந்து இரு வாரம் பாடசாலைக்கு சமுகமளிக்காமை தொடர்பில் பாடசாலை அதிபரால் கிராம அலுவலரின் கவனத்திற்குக் கொண்டுவரப்பட்டுள்ளது.
கிராம அலுவலர் மேற்கொண்ட விசாரணையின் அடிப்படையில் சிறுமி பாதிக்கப்பட்டமை தொடர்பில் தெரியவந்திருக்கிறது.
இதன் பின்னர் சிறுவர் நன்நடத்தைப் பிரிவினர் மேற்கொண்ட திடீர் தேடுதல் நடவடிக்கையின் அடிப்படையில், சிறுமியை அயல் வீட்டைச் சேர்ந்த இளம் குடும்பஸ்தர் ஒருவர் துஷ்பிரயோகத்துக்கு உட்படுத்தியமை தெரியவந்திருக்கிறது.
சம்பவம் தொடர்பில் சிறுவர் நன்நடத்தைப் பிரிவினர் நீதிமன்றின் கவனத்திற்கு கொண்டு சென்றிருக்கின்றனர். இதன் பின்னர் நீதிமன்றின் பணிப்புரைக்கமைய பொலிஸார் சந்தேக நபர் தொடர்பில் விசாரிப்பதற்காகச் சென்றவேளை அவர் அங்கிருந்து தப்பிச் சென்றிருப்பதாக தெரிவிக்கப்படுகின்றது.
குறித்த சிறுமியின் தாயார் மறுமணம் முடித்த நிலையில் இரண்டாவது கணவருடன் சிறுமியை விட்டுவிட்டு மத்திய கிழக்கு நாடு ஒன்றில் பணிபுரிந்துவருவதாகவும் சிறுமி தனிமையில் இருந்தபோதே துஷ்பிரயோகத்துக்கு உட்படுத்தப்பட்டுள்ளதாகவும் தெரிவிக்கப்படுகின்றது.
குறித்த சிறுமி சிறுவர் நன்நடத்தைப் பிரிவினருக்கு வழங்கிய வாக்குமூலத்தின் அடிப்படையில்,
தமது வீட்டுக்கு அயலில் உள்ள இளம்குடும்பஸ்தர் ஒருவர் தான் தனிமையில் இருந்தபோது தன்னை துஷ்பிரயோகத்துக்கு உட்படுத்தியதாகத் தெரிவித்துள்ளார்.
