யாழில் கைத்தொலைபேசித் திருட்டில் ஈடுபட்ட நால்வர் கைது!

யாழ்ப்பாணம் நகரப் பகுதியில் பல்கலைக்கழக மாணவிகளின் தொலைபேசிகளைத் திருடிய குற்றச்சாட்டில், நான்கு பேரை, இன்று (12) பொலிஸார் கைதுசெய்துள்ளனர்.

கடந்த வாரம், பல்கலைக்கழக மாணவிகளின் தொலைபேசிகள் திருடப்பட்டதாக, யாழ்ப்பாணம் பொலிஸ் நிலையத்தில் முறைப்பாடு செய்யப்பட்டதற்கு அமைய முன்னெடுக்கப்பட்ட விசாரணைகளின் அடிப்படையில், இன்று (12), நல்லூர் வீதியில் வைத்து 2 சந்தேகநபர்களை, பொலிஸார் கைதுசெய்துள்ளனர்.

மேலும் , இவ்வாறு கைதுசெய்யப்பட்டவர்களிடம் மேற்கொள்ளப்பட்ட விசாரணைகளுக்கமைய, நகரப் பகுதியில் உள்ள தொலைபேசி விற்பனை நிலைய உரிமையாளர்கள் இருவர் மேலும் கைதுசெய்யப்பட்டுள்ளனர்.