கொடிகாமத்தில் இளம் வர்த்தகர் தொடருந்தில் பாய்ந்து மரணம்!

பொலிஸார் தேடியதால் தன்னைத் தானே தீ மூட்டி மூன்று பிள்ளைகளின் தந்தை ஒருவர் தொடருந்தின் முன் பாய்ந்து தற்கொலை செய்த சம்பவம் இன்று (13) திங்கட்கிழமை காலை தென்மராட்சி – கொடிகாமம் பகுதியில் இடம்பெற்றுள்ளது.

சம்பவம் குறித்து மேலும் தெரியவருவதாவது,

யாழ்ப்பாணம் – பருத்தித்துறையைச் சேர்ந்த விற்பனை நிலையம் ஒன்றின் உரிமையாளரான இராஜசுந்திரம் இராஜசீலன் (வயது 32) என்ற குடும்பஸ்தர் இன்று காலை 7.00 மணியளவில் கொடிகாமம் பகுதியில் தொடருந்து முன்பாக பாய்ந்து தற்கொலை செய்துள்ளார்.

பருத்தித்துறையில் நேற்று (12) அதிகாலை கடை ஒன்றுக்கு தீ வைக்கப்பட்டமை தொடர்பாக சிசிடிவி காட்சிகளின் அடிப்படையில் குறித்த குடும்பஸ்தரை பொலிஸார் தேடி வந்தனர்.

இந்நிலையில் காலை தொடருந்து முன்பாக பாய்ந்து அவர் தற்கொலை செய்துள்ளார். அவர் தொடருந்துடன் மோதுவதற்கு முன்பாக தனக்குத் தானே தீ வைத்துக்கொண்டதாக சம்பவத்தை நேரில் பார்த்தவர்கள் தெரிவித்துள்ளனர்.

மேலதிக விசாரணைகளை கொடிகாமம் பொலிஸார் மேற்கொண்டு வருகின்றனர்.