ஏறாவூர் பகுதியில் வாழும் மக்கள் மீண்டும் வெள்ள அனர்த்தத்தால் பாதிக்கப்பட்டுள்ளனர்.
அந்தவகையில் ஏறாவூர் பிரதேச செயலகத்திற்குட்பட்ட வேப்பவெட்டுவான் வீதியில் அமைந்துள்ள மாவடி ஓடை, புலுட்டுமான்ஓடை ,பெரியவட்டவான் , ஈரலக்குளம், இழுக்குப்பொத்தானை , பெருமாவெளி போன்ற கிராமங்கள் வெள்ளத்தால் கடும்பாதிப்படைந்து அனர்த்த நிலைக்கு உள்ளாகப்பட்டுள்ளதாக தெரிவிக்கப்படுகின்றது .
அத்துடன் வெள்ளத்தால் மாவடிஓடை வீதி நிரம்பி நீரில் மூழ்கியுள்ளது .
இந்நிலையில் அங்குள்ள பாதிக்கப்பட்ட மக்களை கரை சேர்க்கும் பணியில் மாவட்ட செயலகத்தின் அனர்த்த பிரிவு , பிரதேச சபை உறுப்பினர் சர்வேஸ்வரன் , ஏறாவூர் பற்று செயலக பிரிவினர் மற்றும் கிராம மக்கள் ஆகியோர் ஈடுபட்டுள்ளதாக மேலும் தெரிவிக்கப்படுகின்றது.
அத்தோடு தொடருந்து சேவைகளும் பாதிக்கப்பட்டுள்ளன.
