கொள்கைரீதியாக ஒன்றுபட்டவர்களை மாத்திரம் எமதுமாற்று அணியில் இணைத்துக் கொள்ளத் தீர்மானித்துள்ளதாக வடக்குமாகாண முன்னாள் முதலமைச்சர் சி.வி.விக்னேஸ்வரன் தெரிவித்துள்ளார். இதேவேளை தமிழ்த் தேசியக் கூட்டமைப்பின் உறுப்பினர்களை எமது அணியில் சேர்த்துக் கொள்ளமாட்டோம் எனவும் கூட்டமைப்பை பிரிக்கும் எண்ணம் தமக்கு இல்லை என்றும் அவர் கூறினார். வடமராட்சி மருதங்கேணிப் பகுதியில் நேற்று செவ்வாய்க்கிழமை நீதியரசர் விக்னேஸ்வரன் தலைமையில் வெள்ளத்தால் பாதிக்கப்பட்ட மக்களுக்கு நிவாரணம் வழங்கும் நடவடிக்கை இடம்பெற்றது. குறித்த நிகழ்வின் பின்னர் ஊடகங்களுக்கு கருத்துத் தெரிவித்த அவர், தமிழ்த் தேசியக் கூட்டமைப்பின் உறுப்பினர்கள் கொள்கை ரீதியாக இதுவரை காலமும் அங்கிருந்து வெளியேறவில்லை.
ஆனால், பொதுத் தேர்தலை இலக்காகக் கொண்டு கூட்டமைப்பில் இருந்து விலகி எம் முடன் இணைய முற்பட்டால் அவர்களை ஏற்றுக்கொள்ள வேண்டிய அவசியம் தமக்கு இல்லை எனக் கூறினார்.
