ஊடக அடக்குமுறைக்கு எதிரான ஆர்ப்பாட்டத்திற்கு ஒன்றிணையுமாறு அழைப்பு! புதன் டிசம்பர் 18, 2019 மட்டக்களப்பு மாவட்டத்தில் ஊடகவியலாளர்களுக்கு எதிராக அதிகாரிகளினால் மேற்கொள்ளப்படும் ஊடக அடக்குமுறைக்கு எதிராக மட்டக்களப்பில் கண்டன ஆர்ப்பாட்டம் ஒன்று நடைபெறவுள்ளது. எதிர்வரும் 19 ஆம் திகதி வியாழக்கிழமை காலை 10 மணியளவில் மட்டக்களப்பு காந்தி பூங்காவிற்கு முன்பாக குறித்த ஆர்ப்பாட்டம் இடம்பெற உள்ளது. மேற்படி ஆர்ப்பாட்டத்தினை மட்டக்களப்பு மாவட்ட தமிழ் ஊடகவியலாளர் ஒன்றியம், சிவில் சமூக அமைப்புகள், மற்றும் பொது மக்கள் ஒன்றிணைந்து நடாத்த உள்ளனர். குறித்த ஆர்ப்பாட்டத்தில் சகலரையும் கலந்து கொண்டு ஊடக அடக்குமுறைக்கு எதிராக குரல் கொடுக்க ஒன்றிணையும் படி மட்டக்களப்பு மாவட்ட தமிழ் ஊடகவியலாளர் ஒன்றியம் அழைப்பு விடுத்துள்ளது.
