முல்லைத்தீவு கொக்குதொடுவாய் பாடசாலைக்கு முன்பாக இன்று காலை இடம்பெற்ற விபத்தில் பாடசாலை மாணவன் ஒருவர் சம்பவ இடத்திலேயே உயிரிழந்தார் மேலும் ஒரு மாணவன் படுகாயமடைந்த நிலையில் முல்லைத்தீவு மாவட்ட வைத்தியசாலைக்கு அனுப்பி வைக்கப்பட்டுள்ளார்.
செல்வரத்தினம் கேதீஸ் (வயது11) என்ற மாணவனே உயிரிழந்தவராவார்.
பாடசாலைக்கு முன்பாக வீதியில் சைக்கிளில் சென்ற மாணவர்களை கொக்குளாயிலிருந்து முல்லைத்தீவு நோக்கி வந்த வாகனம் மோதியுள்ளது.
இந்த விபத்து சம்பவம் காரணமாக ஆத்திரமடைந்த மக்கள் பாடசாலை முன்பாக குவிந்துள்ளனர். பொலிஸார் விபத்தை ஏற்படுத்திய நபருக்கு சாதகமாக செயற்படுவதாக தெரிவித்து மக்கள் குழுமியுள்ளதால் கொக்குத்தொடுவாயில் தற்போது பதற்றமான சூழல் ஏற்பட்டுள்ளது.
மிகவும் வறுமைகோட்டுக்குள் வாழும் குறித்த மாணவன் கல்வி செயற்பாடுகளில் சிறந்து விளங்கியவர் என்பதும் குறிப்பிடத்தக்கது.
