வவுனியா ஓமந்தை பொலிஸ்பிரிவுக்குட்பட்ட மாதர் பனிக்கர் மகிழங்குளம் பகுதியில் நேற்று சனிக்கிழமை இரவு இடம்பெற்ற விபத்தில் இளைஞர் ஒருவர் மரணமடைந்ததாக ஓமந்தை பொலிசார் தெரிவித்தனர்.
விபத்தில் பாலமோட்டை பகுதியை சேர்ந்த சசிகுமார் பிரிந்தன் ( வயது 20 ) என்றே இளைஞரே மரணமடைந்துள்ளார்.
இந்த விபத்து தொடர்பாக மேலும் தெரியவருகையில்
பாலமோட்டை பகுதியை சேர்ந்த குறித்த இளைஞர், நேற்றையதினம் இரவு 11 மணியளவில் உந்த இறம்பைக்குளம் சந்தியிலிருந்து, தனது வீடு நோக்கி பயணித்துகொண்டிருந்தார். மாதர் பனிக்கர் மகிழங்குளம் பகுதியில் மோட்டார் சைக்கிள் சென்றுகொண்டிருருந்த போது அதிக வேகம் காரணமாக கட்டுப்பாட்டை இழந்து வீதியின்அருகில் இருந்த மதகுடன்மோதியது.
இதனால் தூக்கிவீசப்பட்ட இளைஞன் படுகாயமடைந்த நிலையில் நோயாளர் காவுவண்டி மூலம் வவுனியா வைத்தியசாலையில் அனுமதிக்கப்பட்டார். எனினும் வைத்தியசாலையில் அனுமதிக்கப்பட முன்னரே இளைஞர் மரணமடைந்திருந்ததாக வைத்தியசாலை. வட்டாரத் தகவல்கள் தெரிவிக்கின்றன.
இதுகுறித்து ஓமந்தை பொலிசார் விசாரணைகளை முன்னெடுத்துவருகின்றனர்.
