தியாக தீபம் திலீபன் அண்ணாவின் நினைவேந்தல் யாழ்ப்பாணப் பல்கலைக்கழகத்தில் சிறப்பாக நினைவு கொள்ளப்பட்டது.
இன்று (செப்டெம்பர்26) காலை 9 மணிக்கு இரத்ததான நிகழ்வோடு தியாக தீபம் நினைவேந்தலின் இறுதி நாள் நிகழ்வுகள் ஆரம்பிக்கப்பட்டன.
யாழ்ப்பாணப் பல்கலைக்கழக மாணவர் ஒன்றியம் தியாக தீபம் நினைவாய் இன்று காலை 9.00 மணி முதல் யாழ்ப்பாண பல்கலைக்கழக வளாகத்தில் இரத்த தான முகாம் ஒன்றையும் ஏற்பாடு செய்திருந்தது.
“உயிர்க்கொடை அளித்தவர் நினைவாய்
அளித்திடுவோம் குருதிக்கொடை!”
இதற்கான அழைப்பினை மும்மொழிகளிலும் விடுத்திருந்ததுடன் தியாக தீபம் திலீபன் அவர்களின் கோரிக்கைகள் மும்மொழிகளிலும் எழுதப்பட்டிருந்தமை குறிப்பிடத்தக்கது.
இந்நிகழ்வில் பல்கலை மாணவர்களோடு பல்கலை சமூகம் கலந்துகொண்டு தமது வணக்கத்தைச் செலுத்தியதுடன், பலர் தாமாக முன்வந்து குருதிக் கொடைமுகாமில் பங்களித்தமையைக் காணமுடிந்தது.
