அம்பாறை மாவட்டம் காரைதீவைச்சேர்ந்த வெஸ்லி பாடசாலை உயர்தர கணிதபிரிவு மாணவியான அக்சயா(17வயது) இன்று காலை கல்முனையிற்கு பிரத்தியேக வகுப்பிற்கு செல்வதற்கு நீராடிவிட்டு தயராகிய நேரம் வீட்டில் ஏற்பட்ட மின்னொழுக்கு விபத்திற்குட்பட்டு சடுதியாக எரிகாயத்துடன் சடலமாக மீட்கப்பட்டுள்ளார்.
இச்சம்பவம் வீட்டில் பெற்றோர் இல்லாத நேரம் இடம்பெற்றுள்ளது .சுற்றியுள்ள மக்கள் ஓடிவந்தபோதும் காப்பாற்ற முடியவில்லை.
இன்றைய தினம் காரைதீவிலிருந்து பெருமளவான இந்துமத அடியார்கள் மண்டூர் முருகனை தரிசிக்க மண்டூர் கிராமத்தை நோக்கி அதிகாலை பாதயாத்திரை சென்ற நிலையில் இச்சம்பவம் இடம்பெற்றது பல உறவினர் இடைநடுவில் புறப்பட்டுள்ளமை குறிப்பிடத்தக்கது,
