ஏ 9 வீதியின் மீசாலை புகையிரத நிலையத்திற்கு அருகில் இன்று மாலை 4.00 மணியளவில் இடம்பெற்ற உந்துருளி விபத்தில் இளங்குடும்பஸ்தர் ஒருவர் பலியாகியுள்ளார்.
கொழும்பில் இருந்து யாழ் நோக்கி வந்து கொண்டிருந்த அதிசொகுசு பேருந்து மீது உந்துருளி மோதியதிலேயே விபத்து இடம்பெற்றுள்ளது.
இந்நிலையில் காயமடைந்தவரை அம்பியூலன்ஸ் வண்டியில் சாவகச்சேரி ஆதார வைத்தியசாலைக்கு கொண்டு செல்லும் வழியில் உயிரிழந்துள்ளார்.
பளை இத்தாவில் பகுதியைச் சேர்ந்த இளங்குடும்பஸ்தரே பலியாகியுள்ளார். விபத்து தொடர்பாக சாவகச்சேரி பொலிஸார் விசாரணைகளை முன்னெடுத்துள்ளனர்.
