யாழ்.கொக்குவில் ஆடியபாதம் வீதியில் வைத்து சுட்டுப் படுகொலை செய்யப்பட்ட ஊடகவியலாளர் சகாதேவன் நிலக்சனின் 12ஆம் ஆண்டு நினைவேந்தல் நிகழ்வுகள் இன்று வியாழக்கிழமை இடம்பெற்றது.
யாழ்.பிரதான வீதி நீதிமன்ற கட்டட தொகுதிக்கு அருகில் உள்ள படுகொலை செய்யப்பட்ட ஊடகவியாளர்கள் நினைவு தூபியில் இந் நினைவேந்தல் நிகழ்வுகள் நடைபெற்றது.
யாழ்.பல்கலை கழக ஊடக வளங்கள் பயிற்சி மையத்தின் ஊடக கற்கை மாணவனும், சாரளம் சஞ்சிகையின் ஆசிரியரும், யாழ்,மாணவர் பேரவையின் முன்னாள் தலைவருமான சகாதேவன் நிலக்சன் 2007 ஆம் ஆண்டு ஆகஸ்ட் மாதம் முதனாலம் ஆம் திகதி அவரது வீட்டில் இருந்த வேளை, அவரது வீட்டிற்கு அதிகாலை 5 மணியளவில் ஊரடங்குச் சட்டம் அமுலில் இருந்த வேளை வந்த ஆயுதாரிகள் நிலக்சனை வெளியே அழைத்து அவரது பெற்றோர்கள் முன்னிலையில் சுட்டுப்படுகொலை செய்திருந்தனர்.
இதில் நிலக்சனின் நினைவாக தூபிக்கு மலர் மாலை அணிவித்தும், மலர்கள் தூவியும், தீபங்கள் ஏற்றியும் அஞ்சலி செலுத்தினர்.
