இல்-து-பிரான்சை இந்த வாரம் கடும் வெப்பம் வாட்டி எடுக்க உள்ளதாக தெரிவிக்கப்பட்டு, ஐந்து மாவட்டங்களுக்கு செம்மஞ்சள் எச்சரிக்கை விடுக்கப்பட்டுள்ளது.
நேற்று ஞாயிற்றுக்கிழமை 15:00 மணி அளவில் பரிஸ் மற்றும் அதன் புறநகர்களில் 30°c வரையான வெப்பம் நிலவியதாக Météo France அறிவித்துள்ளது.
Jardin du Luxembourg, Nemours, Paris-Montsouris மற்றும் Fontainebleau ஆகிய பிராந்தியங்களில் 29°c, 30°c வரையான வெப்பம் நிலவியிருந்தது. இந்நிலையில் நாளை செவ்வாய்க்கிழமை 35°c இல் ஆரம்பிக்கும் வெப்பம், வரும் வியாழக்கிழமை 40°c இனை தொடும் என அறிவிக்கப்பட்டுள்ளது.
இதன்படி,
பரிஸ்,
Hauts-de-seine,
Seine-saint-denis,
Val-de-marne,
Seine-et-Marne
ஆகிய ஐந்து மாவட்டங்களுக்கு செம்மஞ்சள் எச்சரிக்கை விடுக்கப்பட்டுள்ளது.
72 வருடங்களின் பின்னர் ஜூன் மாதத்தில் சந்திக்க இருக்கும் 40°c வெப்பம் என்பது குறிப்பிடத்தக்கது.
