நேபாளத்தில் பயணிகள் விமானம், உலங்குவானூர்தியுடன் மோதி ஏற்பட்ட விபத்தில் மூவர் உயிரிழந்துள்ளனர்.
எவரெஸ்ட் சிகரத்தின் அருகே அபாயகரமான ஓடுதளத்தைக் கொண்ட லுக்லா விமான நிலையம் உள்ளது.
இங்கு பராமரிப்பு மற்றும் வேலைகளுக்காக உலங்குவானூர்தி நிறுத்தப்பட்டிருப்பது வழக்கம். நேற்று இந்த விமானநிலையத்திற்கு சிறிய வகை பயணிகள் விமானம் புறப்படத் தயாரானது. அப்போது ஓடுதளம் ஈரப்பதமாக இருந்ததால் விமானம் கட்டுப்பாட்டை இழந்து நின்றிருந்த ஹெலிகாப்டருடன் நேருக்கு நேர் மோதியது.
இதில் ஹெலிகாப்டர் முற்றிலும் உடைந்து நொறுங்கியது. இந்த விபத்தில் விமானத்தில் பயணம் செய்த 3 பேர் உயிரிழந்த நிலையில், காயமடைந்த 4 பேருக்கு சிகிச்சை அளிக்கப்பட்டு வருகிறது.
