மட்டக்களப்பில் தந்தையை கொலை செய்த மகன் தொடருந்துமுன் பாய்ந்து தற்கொலை!

நேற்று மாலை 6.00 மணியளவில் மட்டக்களப்பு திருப்பெருந்துறை பிரதேசத்திலுள்ள வீடொன்றில் 6 பிள்ளைகளின் தந்தையான 60 வயதுடைய ஞானமுத்து விஜயன் என்பவரை அவரது மகன் கடுமையாக பொல்லு மற்றும் கால்களால் தாக்கியுள்ளார்.

இதனால் கடுமையாக காயமடைந்த அவர் மட்டக்களப்பு போதனா வைத்தியசாலைக்கு கொண்டு செல்லும் வழியில் மரணமானார்.

சம்பவத்தில் ஈடுபட்ட 24 வயதுடைய மகானான விஜயன் கிருபைநாதன் மது போதையுடன் இரவு 8.30 மணியளவில் மட்டக்களப்பிலிருந்து கொழும்பு சென்ற இரவுத் தபால் ரயிலில் பாய்ந்து தற்கொலை செய்துள்ளார்.

இவரது உடல் பல துண்டுகளாக சிதறியுள்ளது. இருவரது சடலங்களும் மட்டக்களப்பு போதனா வைத்தியசாலையில் வைக்கப்பட்டுள்ளது. மட்டக்களப்பு தலைமையக பொலிஸார் மேலதிக விசாரணைகளை மேற்கொண்டுள்ளனர்.