மட்டக்களப்பு – வந்தாறுமூலை பகுதியில் இரண்டு உந்துருளிகள் மோதி விபத்திற்குள்ளானதில் 3 பேர் உயிரிழந்துள்ளனர்.
விபத்தில் மேலும் 3 பேர் காயமடைந்துள்ளதாக பொலிஸார் குறிப்பிட்டனர்.
காயமடைந்தவர்கள் மட்டக்களப்பு போதனா வைத்தியசாலையில் அனுமதிக்கப்பட்டுள்ளனர்.
இந்த விபத்து சம்பவத்தின் போது வேப்பவுஸ் வீதி பலாச்சோலை வந்தாறுமூலையைச் சேர்ந்த 22 வயதுடைய மோகன் மயூரன், வேப்பவுஸ் 3 ம் குறுக்கு வீதி பலாச்சோலை வந்தாறுமூலையைச் சேர்ந்த 23 வயதுடைய முருகுப்பிள்ளை பவித்திரன் ,ஆகியோர் இவ்வாறு உயிரிழந்ததுடன் தீப்பற்றி எரிந்தவர் அடையாளம் காணப்படவில்லை .
வாழைச்சேனையிலிருந்து மட்டக்களப்பு நோக்கி பயணித்த உந்துருளிகளே இரவு 8 மணியளவில் விபத்திற்குள்ளாகியுள்ளன.
இதன்போது, உந்துருளி ஒன்று தீக்கிரையாகியுள்ளதாக பொலிஸார் குறிப்பிட்டனர்.
விபத்து தொடர்பில் ஏறாவூர் பொலிஸார் விசாரணைகளை மேற்கொண்டு வருகின்றனர்.
