மட்டக்களப்பு வெல்லாவெளி, காந்திபுரம் பிரதான வீதியில் இன்று இடம்பெற்ற பஸ் விபத்தில் 32 பேர் காயமடைந்துள்ளனர்.
வாழைக்காலையாறில் இருந்து களுவாஞ்சிகுடி நோக்கி பயணம் செய்த பஸ்சின் சக்கரம் கழன்றதில் பஸ் வீதியைவிட்டு விலகி மதகு ஒன்றுக்கு அருகாக தடம்புரண்டதில் குறித்த விபத்து இடம்பெற்றுள்ளது.
மேலும் சம்பவத்தில் காயமடைந்தவர்கள் களுவாஞ்சிகுடி வைத்தியசாலையில் அனுமதிக்கப்பட்டுள்ளனர். அவர்களில் 7 பேர் மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டுள்ளனர்.
சம்பவ இடத்திற்கு மண்டூர் பொலிசார் விரைந்து சென்று மேலதிக விசாரணைகளை மேற்கொண்டு வருகின்றனர். பஸ் வண்டியில் 50இற்கும் மேற்பட்ட பிரயாணிகள் பயணித்திருந்தனர்.
இடம்பெற்ற விபத்தினை பார்வையிட சம்பவ இடத்திற்கு கிழக்கு மாகாண சபை உறுப்பினர் கௌரவ ஞா.கிருஸ்ணபிள்ளை அவர்களும் வருகை தந்திருந்தனர்.
