ஓமந்தை பொலிஸ் நிலைய முன்றலில் கஞ்சா வர்த்தகம்: ஐவர் கைது!

யாழ்ப்பாணம் – வவுனியா வீதியின் ஓமந்தை பொலிஸ் நிலைய முன்றலில் கேரள கஞ்சா வர்த்தகத்தில் ஈடுபட்ட சந்தேகநபர்கள் ஐவர் கைது செய்யப்பட்டுள்ளனர்.

சந்தேகநபர்களிடமிருந்து 2 கிலோகிராம் 50 கிராம் கஞ்சா பறிமுதல் செய்யப்பட்டுள்ளது.

பரந்தன் மற்றும் திருகோணமலையைச் சேர்ந்த 18, 29, 30, 36 மற்றும் 45 வயதுகளையுடைய சந்தேகநபர்களே கைது செய்யப்பட்டுள்ளனர்.

அவர்கள் இன்று வவுனியா நீதவான் நீதிமன்றத்தில் ஆஜர்ப்படுத்தப்படவுள்ளனர்.