வீதியைக் கடந்த முடியவர் விபத்தில் சிக்கி உயிரிழந்தார். இந்த விபத்து நேற்றுமுன்தினம் புலோலி கோழிக்கடைச் சந்தியில் நடந்துள்ளது. புலோலி வடக்கைச் சேர்ந்த கந்தசாமி குலநாயகம் (வயது-84) என்பவரே உயிரிழந்தார்.
இறப்பு வீடு ஒன்றுக்குச் சென்று வீடு திரும்பிய முதியவர் வீதியைக் கடந்தபோது உந்துருளி மோதியது என்று தெரிவிக்கப்பட்டது.
விபத்தில் காயமடைந்த அவர் மந்திகை ஆதார மருத்துவமனையில் சேர்க்கப்பட்டுப் பின்னர் மேலதிக சிகிச்சைக்காக யாழ்ப்பாணம் போதனா மருத்துவமனைக்கு மாற்றப்பட்டார். அவர் சிகிச்சை பயனின்றி உயிரிழந்தார்.
இறப்புத் தொடர்பான விசாரணைகளைத் திடீர் இறப்பு விசாரணை அதிகாரி ந.பிரேமகுமார் மேற்கொண்டார்.
