தியாக தீபம் லெப்.கேணல் திலீபன் அவர்களின் 31 வது நினைவேந்தல் நிகழ்வு இன்று 26.09.2018 புதன்கிழமை யாழ். பல்கலைக்கழக வளாகத்தில் பல்கலைக்கழக மாணவர்கள் ஒன்றியத்தால் ஒன்றியத்தலைவர் கி. கிருஷ்ணமீனன் அவர்களின் ஏற்பாட்டுடன் நினைவேந்தல் நிகழ்வு நடைபெற்றது.
காலை 10.48 மணிக்கு யாழ். பல்கலைக்கழக பதில் துணைவேந்தர் திரு. ஜெயதேவன் அவர்கள் பொதுச்சுடர் ஏற்றிவைத்தர். தொடர்ந்து அகவணக்கத்துடன் மாணவர்களினால் மலர் வணக்கம் செய்யப்பட்டு, நினைவுரைகள், கவிவரிகளும் இடம்பெற்றதுடன் திலீபன் அண்ணா தொடர்பான ஆவணப்படமும் காண்பிக்கப்பட்டது.
யாழ். பல்கலைக்கழகத்தின் ஊடககற்கைநெறி இணைப்பாளர் கலாநிதி திரு. ரகுராம் அவர்கள், தியாகி திலீபன் அண்ணாவிற்கு நாம் சும்மா நினைவு கூருவதுடன்மட்டும் நின்று விடாது, அவரின் எண்ணங்களுக்கு பல்கலைக்கழக மாணவர்களாகிய நாம்தான் அவரின் மக்களுக்கான தீர்வு கிடைக்கவேண்டும் என்ற எண்ணத்தை நாம் போராடி பெற்றுக்கொள்ளவேண்டும் என்று கூறினார் .
