தியாகதீபம் லெப்.கேணல் திலீபன் உண்ணா நோன்பு ஆரம்பித்த இன்றைய நினைவு நாளில் பாரிசின் புறநகர்ப் பகுதியில் ஒன்றான ஆர்ஜேந்தையில் அமைந்துள்ள தியாகதீபம் லெப்.கேணல் திலீபனின் நினைவுத் தூபி அமைந்துள்ள இடத்தில் காலை 10.00 மணிக்கு சுடர் வணக்கமும், மலர்வணக்கமும் இடம் பெற்றது.
ஆரம்ப நிகழ்வாக நாட்டுப்பற்றாளர் ஜெயசோதியின் துணைவியார் ஈகைச்சுடரினை ஏற்றி மலர்வணக்கம் செலுத்தினார். அகவணக்கத்தைத் தொடர்ந்து பொதுமக்கள் சுடர்வணக்கமும் , மலர் வணக்கமும் செலுத்தினர்.
தியாக தீபம் லெப்.கேணல் திலீபன் தியாக மரணமடைந்த 26.09.2018 அன்றையதினம் வரை தினமும் காலை 10.00 மணிக்கு சுடர்வணக்கமும், மலர் வணக்கமும் நினைவுத்தூபி அமைந்துள்ள இடத்தில் இடம் பெறும்.
