மே பதினேழு இயக்கத்தின் ஒருங்கிணைப்பாளர் தோழர் திருமுருகன் காந்தியை விடுதலை செய்ய வலியுறுத்தியும், UAPA எனும் கருப்பு சட்டத்தினை ஒழித்திட வலியுறுத்தியும் அரசு அடக்குமுறைக்கு எதிரான மாபெரும் பொதுக்கூட்டம் மே பதினேழு இயக்கம் சார்பில் 08-09-18 அன்று தி.நகர் முத்துரங்கன் சாலையில் நடத்தப்பட்டது.
ஆயிரக்கணக்கான இளைஞர்களும், பொதுமக்களும் உணர்வாளர்களும் திருமுருகன் காந்தியை விடுதலை செய்ய எழுச்சியுடன் பங்கேற்றனர். ஏராளமான தோழர்கள் குடும்பத்துடனும், குழந்தைகளுடனும் வந்து கலந்து கொண்டனர்.
பாசிச பாஜக ஒழிக என்ற முழக்கத்தினை தோழர்கள் பலரும் முன்வைத்து பேசினர். ஏழு நிரபராதித் தமிழரை விடுதலை செய்ய வேண்டும் என்று கூட்டத்தில் வலியுறுத்தப்பட்டது. மேலும் இசுலாமிய அரசியல் சிறைவாசிகளும் விடுதலை செய்யப்பட வேண்டும் என்றும் வலியுறுத்தப்பட்டது.
பல்வேறு கட்சிகள் மற்றும் இயக்கங்களின் பிரதிநிதிகளும் பங்கேற்றனர்.
