கருத்துக்களை கருத்துக்களால் எதிர்கொள்வதனை விடுத்து ஊடகங்களை அச்சுறுத்தும் பாணியில் ஆட்களை வைத்து நாளிதழ்களின் பிரதிகளை தீயிட்டெரிப்பதும் அதனை பொதுவெளியில் பகிர்வதும் அப்பட் டமான ஊடகங்களை அச்சுறுத்தி மிரட்டுவதுடன் ஊடக சுதந்திரத்தை அப்பட்டமாக மீறும் செயல் என்பதை யாழ் ஊடக அமையம் வன்மையாக பதிவு செய்கின்றது.
இன்றைய தினமான சனிக்கிழமை (நேற்று) யாழ்.நகரில் வைத்து பன்னிரெண்டு நபர்களை கொண்ட சிறு அணியொன்று வலம்புரி பத்திரிகையின் இன்றைய (நேற்றைய) பதிப்பின் மாதிரியினை தீக்கிரையாக் கியுள்ளது.
யுத்தம் அதனால் ஏற்பட்ட மனக்கசப்புக் கள் மாறி மீண்டும் நட்புறவு பூக்கள் பூத்து விடுமென்ற நம்பிக்கையினை மத அடையா ளங்களை முன்னிறுத்தி மேற்கொள்ளும் இத்தகைய செயல்கள் சிதைவடையச் செய்து விடுமென்பதை அனைவரும் புரிந்து கொள்ளவேண்டுமெனவும் யாழ் ஊடக அமையம் கேட்டுக்கொள்கின்றது.
இதுவொரு சிறுகுழுவின் செயற்பாடென பலரும் வியாக்கியானம் செய்தாலும் இத்த கைய போக்குகள் மீண்டும் ஆரோக்கியமான சூழல் ஒன்று உருவாகிவருவதை நிச்சய மாக பாதிக்கவே செய்யுமெனவும் சுட்டிக்காட்ட விரும்புகின்றோம்.
தமது மலின அரசியலுக்கு, அர்ப்பணிப் புக்கள், தியாகங்கள் மத்தியில் கட்டமைக்க ப்பட்டு செயற்பட்டுவருகின்ற ஊடகங்களை கேலிக்குரியதாக்கும் எத்தகைய நடவடிக்கை களினையும் யாழ் ஊடக அமையம் வெறு மனே வேடிக்கை பார்த்துக்கொண்டிருக்கப் போவதில்லை.
தாம் வெளிப்படுத்தும் கருத்துக்களை விழுங்கி தனிநபர் அரசியல் நலன்கருதி வாந்தியெடுக்கும் சாதனங்களாக ஊடகங் களை இத்தகைய தீமூட்டல்களின் பின்னாலு ள்ள நபர்கள் கருதுவார்களெனில் அது அவ ர்களது அறியாமையினையே வெளிப்படுத்தி நிற்கின்றது.
ஊடகமொன்று வெளியிடும் கருத்திற்கு தமது தரப்பு கருத்தை ஊடகப்பரப்பில் வெளி ப்படுத்துவது மக்கள் பிரதிநிதிகளிற்கு கடின மானதொன்றல்ல.அது அவர்களிற்கு நாம் சொல்லிதான் தெரியவேண்டிய தொன்று மல்ல.
தமக்குள்ள சிறப்புரிமைகளின் கீழ் பது ங்கிக்கொண்டு சேறுபூசல்களை மேற்கொள் வதும் அதனை கேள்விக்குள்ளாக்குமிடத்து கும்பலாக கடித்துக்குதறுவதும் தமிழ் ஊடக ங்களிற்கும் ஊடகவியலாளர்களிற்கும் புதிய விடயமல்ல.அது தொன்று தொட்டு தொடரும் பாரம்பரியமாகவேயிருந்து வருகின்றது.
வெறுமனே இன நல்லிணக்கம், மத நல் லிணக்கம் பற்றி கூடியிருந்து கதைப்பதனை விடுத்து இத்தகைய நல்லிணக்கத்தை பாதி க்கும் விடயங்கள் தொடர்பில் கவனத்திலெடு க்க மத தலைவர்கள், சமூக பெரியோர் மற்றும் புத்திஜீவிகள் அனைவரையும் யாழ் ஊடக அமையம் வேண்டிநிற்கின்றது.
