பயங்கரவாதத்தடைச் சட்டத்தை நீக்குதல், மக்களின் காணிகளை விரைவாக விடுவித்தல் உள்ளிட்ட விடயங்களை சிறீலங்கா அரசு விரைந்து செயற்படுத்த வேண்டும் என்று ஐரோப்பிய ஒன்றியம் வலியுறுத்தியுள்ளது.
ஐரோப்பிய ஒன்றியம் மற்றும் இலங்கையின் இணை ஆணைக் குழு என்பவற்றின் கீழ் தொழிற் படும் சட்டத்தின் ஆட்சி மற்றும் மனித உரிமைகள் தொடர்பான அரச தொழிலாளர் குழுமத்தின் மூன்றாவது கூட்டத்தொடர் புருசெலில் நடைபெற்றது. இந் தக் கூட்டத்தின் போதே இவ்வாறு தெரிவிக்கப்பட்டுள்ளது.
ஐரோப் பிய ஒன்றியம் விடுத்துள்ள அறிக்கையில் பயங்கரவாதத்தடைச் சட்டத்தை நீக்குதல் அல்லது பன்னாட்டுத் தரநியமங்களுக்குட்படுத்தல், நல்லிணக்கத்தை ஏற்படுத்தல், 2015 அக்ரோபரில் ஐக்கிய நாடுகள் மனித உரிமைப்பேரவைக்கு வழங்கிய வாக்குறுதிகளை நடைமுறைப்படுத்தல், மக்களின் காணிகளை விரைவாக விடுவித்தல் போன்ற விடயங்கள் தொடர்பில் சிறீலங்கா அரசு துரித நடவடிக்கைகளை முன்னெடுக்க வேண்டும்.
மனித உரிமைகள் மற்றும் நாட்டிலுள்ள நபர்களுக்கான அடிப்படை சுதந்திரம் என்பவற்றை பேணுவதற்கும், அவற்றை விரிவுபடுத்துவதற்கும் சிறீலங்காவில் முன்னெடுக்கப்பட்டுள்ள நடவ டிக் கைகள் மற்றும் முன் நகர்வுகள் பாராட்டுக்குரியவை. ஆனால் மேற்குறிப்பிட்ட விடயங்களை சிறீலங்கா அரசு கட்டாயம் செய்தே ஆகவேண்டும்.
இதன்போது மனித உரிமைகள் மற்றும் அடிப்படை சுதந்திரம் ஆகியவற்றை பாதுகாப் பதற்கு சிறீலங்கா அரசால் மேற்கொள்ளப்பட்டுவரும் நடவடிக்கைகளுக்கு பாராட்டு தெரிவிக்கப்பட்ட தோடு, இனமத சார்பான வன்முறைகள், செயற்பாடுகளைக் கட்டுப்படுத்தவும், அவற்றை முற்று முழுதாக நிறுத்துவதற்கும் சிறீலங்கா அரசு முன்னெடுத்துவரும் முன்நகர்வுகளை வரவேற்ப தாகவும் தெரிவிக்கப்பட்டுள்ளது.
சிறீலங்கா அரசால் முன்னெடுக்கப்படும் தொழிலாளர்கள் தொடர்பான நடவடிக்கைகள், சுற்றாடல் பாதுகாப்புத் திட்டங்கள், சிறந்த நிர்வாகத்தை கட்டயெழுப்புவதற்கான முயற்சிகள் என்பனவும் ஆராயப்பட்டதுடன், சிறீலங்காவின் நல்லிணக்க முயற்சிக்கு ஐரோப்பிய ஒன்றியம் ஒத்துழைப்பு வழங்கும் எனவும் உறுதியளிக்கப்பட்டது.
மனித உரிமைகள் தொடர்பான விடயத்தில் காணாமல் ஆக்கப்பட்டோர் அலுவலகம், தகவல் அறியும் உரிமைச்சட்டம் போன்ற முக்கிய நகர்வுகள் சிறீலங்கா அரசால் மேற்கொள்ளப்பட்டுள்ளன. மனித உரிமைகள் விடயம் தொடர்பில் பன்னாட்டுக்குப் பொறுப்புக்கூறல், தொழிலாளர் உரிமைகள், சுற்றாடல் பாதுகாப்பு ஆகிய விடயங்களில் சிறீலங்காவின் தொடர்ச்சியான செயற்பாடுகளை ஜரோப்பிய ஒன்றியம் கண்காணித்து வருகின்றது.
ஊடக சுதந்திரம், சிவில் சமூகங்களின் உரிமைகளை வலுப்படுத்தல், பெண்கள் மற்றும் சிறுவர் உரிமைகளை மேலும் முன்னேற்றுதல், சிறுபான்மை மக்களின் உரிமைகளுக்கு மதிப்பளித்தல், ஆகியன தொடர்பிலும் கூட்டத்தொடரில் ஆராயப்பட்டன என்றும் மேலும் தெரிவிக்கப்பட்டுள்ளது.
