முன்னாள் தமிழக முதல்வரும், திமுக தலைவருமான முத்துவேல் கருணாநிதி உடல் நலக் குறைவால் இன்று காலமானார். அவருக்கு வயது 95. மாலை 18.10 மணிக்கு கருணாநிதியின் உயிர் பிரிந்ததாக காவேரி மருத்துவமனை அறிவித்துள்ளது.
கடந்த 27 ஆம் திகதி முதல் காவேரி மருத்துவமனையின் தீவிரப் பிரிவில் அனுமதிக்கப்பட்டிருந்த கருணாநிதியின் உடல்நிலை குறித்து நேற்று மருத்துவமனை வெளியிட்ட செய்திக் குறிப்பில் அவரது உடல் நிலை மேசமடைந்து செல்வதாக குறிப்பிட்டிருந்ததுடன் 24 மணிநேரத்தின் பின்பே எதுவும் சொல்ல முடியும் எனத் தெரிவித்திருந்தது.
