வீதியோரமாக சென்ற போது மோட்டார் சைக்கிள் மோதி விபத்துக்குள்ளான மாற்றுவலுவுடைய நபர் ஒருவர் ஒரு வாரத்தின் பின்னர் சிகிச்சை பலனின்றி உயிரிழந்துள்ளார்.இளவாலை பெரியவிளானை சேர்ந்த தர்மலிங்கம் மனோகரன் (வயது 53) என்ற நபரே மேற்படி உயிரிழந்தவராவார்.
குறித்த நபர் கடந்த 7 ஆம் திகதி தனது வீட்டில் இருந்து சகோதரியின் வீட்டுக்கு வீதியோரமாக சென்றுள்ளார். இவர் மாற்றுவலுவுடைய நபராக இருப்பதால் கைகளாலேயே ஊர்ந்து சென்றுள்ளார்.
எதிரே நிதானம் தவறிய நிலையில் மோட்டார் சைக்கிளை ஓட்டி வந்த நபர் குறித்த நபரை மோதியுள்ளார்.இதனால் காயமடைந்த நபர் 15 மீற்றர் தூரம் வீதியில் இழுத்து செல்லப்பட்டுள்ளார்.
படுகாயமடைந்த குறித்த நபர் உடனடி யாக தெல்லிப்பழை வைத்தியசாலைக்கு கொண்டு செல்லப்பட்டு மேலதிக சிகிச்சைக் காக யாழ் போதனா வைத்தியசாலைக்கு மாற்றப்பட்டு சிகிச்சை அளிக்கப்பட்டு வந்துள்ளது. இந்த நிலையில் சிகிச்சை பலனின்றி நேற்று மதியம் குறித்த நபர் பரிதாபமாக உயி ரிழந்துள்ளார்.
இவ்விபத்து தொடர்பான மரண விசாரணையை யாழ் போதனா வைத்தியசாலை யின் திடீர் மரண விசாரணை அதிகாரி நம சிவாயம் பிறேம்குமார் மேற்கொண்டார்.
