பாரிசின் புறநகர்ப் பகுதிகளில் ஒன்றான Goussainville பகுதியில் குசான்வில் பிரெஞசுத் தமிழ்ச்சங்கத்தின் 19 ஆவது அகவை நிறைவு விழா கடந்த (20.05.2018) ஞாயிற்றுக்கிழமை பிற்பகல் 16.00 மணியளவில் இடம்பெற்றது.
மங்கலவிளக்கேற்றப்பட்டு, அகவணக்கத்தைத் தொடர்ந்து தமிழ்ச்சோலை கீதம் இசைக்கப்பட்டது.
வரவேற்பு நடனத்தைத் தொடர்ந்து வரவேற்புரை இடம்பெற்றது. வரவேற்புரையை குசான்வில் தமிழ்ச்சங்கத் தலைவர் திரு.காணிக்கைநாதன் அவர்கள் ஆற்றினார்.
நிகழ்வில் பிரதம விருந்தினராக வல்துவாஸ் 9 ஆம் சுற்றுவட்டார பாராளுமன்ற உறுப்பினர் திருமதி செவ்க்கா பாக் அவர்களும், சிறப்பு விருந்தினராக குசான்வில் உதவி நகரபிதா அனிதா மத்திகு அவர்களுடன் ஏனைய உறுப்பினர்கள் பலரும் கலந்துசிறப்பித்திருந்தனர்.
பிரதம விருந்தினர் உரையைத் தொடர்ந்து குசான்வில் தமிழ்ச்சோலை ஆசிரியர்கள் பிரதம விருந்தினரால் மதிப்பளிக்கப்பட்டனர்.
தொடர்ந்து குசான்வில் தமிழ்ச்சோலை மாணவ மாணவிகளின் அரங்க நிகழ்வுகள் சிறப்பாக இடம்பெற்றன. நடனங்கள், எழுச்சிநடனங்கள், பாடல்கள், கவிதைகள், பேச்சுக்கள், நாடகங்கள் என அனைத்தும் தமிழ், ஆங்கிலம், பிரெஞ்சு மொழிகளில் தமிழ்ச்சோலை மாணவர்களால் மிகவும் சிறப்பாக ஆற்றுகைப்படுத்தப்பட்டிருந்தன.
நிகழ்வில், வழமைபோன்று தமிழ்மொழித் தேர்வில் சிறப்புத் தேர்ச்சி பெற்ற மாணவர்கள், பாடசாலையில் நடாத்தப்பட்ட ஆங்கிலத்தேர்வில் தேர்ச்சிபெற்ற மாணவர்கள், திருக்குறள் திறன்போட்டியில் வெற்றியீட்டிய மாணவர்கள் அனைவரும் வெற்றிக்கிண்ணம், சான்றிதழ் வழங்கி மதிப்பளிக்கப்பட்டனர்.
நன்றியுரையினை தமிழ்ச்சோலை ஆசிரியை திருமதி இக்பால் விஷாலினி ஆற்றியிருந்தார்.
அனைத்து மாணவ மாணவியர்களும் இணைந்து தமிழ் மொழி வாழ்த்து இசைத்ததைத் தொடர்ந்து நிகழ்வுகள் யாவும் நிறைவுகண்டன.
(ஊடகப்பிரிவு – பிரான்சு தமிழர் ஒருங்கிணைப்புக்குழு)
