சிறீலங்கா படைகளினாலும் ஒட்டுக் குழுக்களினாலும் படுகொலை செய்யப்பட்ட ஊடகவியலாளர்கள் ஊடக நிறுவனங்கள் மீதான ஒடுக்கு முறைகளுக்கு நீதி கோரி ஆர்ப்பாட்டம் ஒன்று இடம் பெற்றுள்ளது .
ஆர்ப்பாட்டம் இன்று காலை மட்டக்களப்பு நகரில் இடம்பெற்றது . மாமனிதர் தர்மரத்தினம் சிவராம்(தராகி) படுகொலை செய்யப்பட்ட நினைவு நாளான இன்றைய தினம் மேற்கொள்ளப்பட்டுள்ளது..
வடக்கு கிழக்கு ஊடகவியலாளர்களினால் மேற்கொள்ளப்பட்டுள்ளது. ஜனநாயகத்தின் நான்காவது தூணான ஊடகத்துறை தனது பணியினை மக்கள் நலன் சார்ந்து ஆற்றுவதற்கு அனைத்து தரப்புக்களும் ஒத்துழைப்பதே நல்லாட்சிக்கான அழகாகும்.
படுகொலை செய்யப் பட்ட சகநண்பர்களிற்கான நீதி கோரும் பயணத்தை அற்பசொற்ப சலுகைகளிற்காக அடகுவைக்கப்போவதில்லை எனத் தெரிவித்தே இந்த ஆர்ப்பாட்டம் மேற்கொள்ளப்பட்டுள்ளது.
