கிளிநொச்சி – இரணைமடு, அம்பாள் நகர் பகுதியில் இருசக்கர் வண்டியில் சென்றவர் மீது சிறீலங்கா இராணுவ வாகனம் மோதி விபத்தில் ஒருவர் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார்.
இரணைமடு குளத்திசையிலிருந்து பயணித்த இருசக்கர் வண்டி மீது மற்றுமொரு வாகனத்தை முந்தி செல்ல முற்பட்ட சிறீலங்கா இராணுவத்தினரின் வாகனம் நேருக்கு நேர் மோதியதில் குறித்த விபத்து இடம்பெற்றுள்ளது.
இச்சம்பவத்தில் இருசக்கர் வண்டியில் பயணித்த 65 வயதான ஓய்வு நிலை ஆசிரியரான மயில்வாகனம் என்பவர் படுகாயமடைந்த நிலையில் கிளிநொச்சி வைத்தியசாலையில் சிகிச்சை பெற்று வருகின்றார்.
