உண்மையாகவே அதிகார பரவலாக்கம் உள்ளது என்றால் வடக்கு மாகாணத்தையும் உள்வாங்கி திட்டங்களை நடைமுறைப்படுத்த வேண்டும் என்று சிறீலங்கா ஊடகத்துறை மற்றும் நிதியமைச்சர் மங்கள சமரவீரவிடம் எடுத்துக் கூறியுள்ளதாக வடமாகாண முதலமைச்சர் சி.வி.விக் னேஸ்வரன் தெரிவித்துள்ளார்.
2018 ஆம் ஆண்டுக்கான வரவுசெலவுத் திட்டத்தின் ஒதுக்கீட்டின் கீழ் 1000 மில்லியனுக்கான செயற்றிட்டத்தை விளக்கவும், எத்தகைய நடவடிக்கைகளை முன்னெடுப்பது என்பது தொடர்பாக தெளிவு படுத்தவும், அறிந்துகொள்ளவும் சிறீலங்கா நிதி அமைச்சர் தலைமையிலான குழுவினர் நேற்று (30) யாழ் வருகை தந்திருந்தனர்.
குறித்த திட்டத்தில் எங்களையும் பங்குதாரர்களாக சேர்க்க வேண்டும் என்று குறிப்பிட்டிருந்தேன். மேலும் மத்திய வங்கியினால் மக்களுக்கு செய்த நன்மைகள் தொடர்பாக குறிப்பிட்டிருந்தார். குறிப்பாக வங்கியிலிருந்து 50 ஆயிரம் ரூபாவுக்குள் கடன் பெற்றிருந்தால் அதனை 6 மாதத்திற்குப் பின்னரே முதல் மற்றும் வட்டியை கட்டமுடியும் என்ற சட்டம் வந்துள்ளதாக தெரிவித்தார்.
அந்தச் சட்டத்தின் பிரகாரம் 6 மாதத்திற்கு பின்பே தமது வருமானத்தை அதிகரித்த பின் செலுத்தக் கூடியதாக அந்தச் சட்டத்தை உருவாக்கியுள்ளார்கள். இதுபோல பல திட்டங்கள் மத்திய வங்கியினால் செயற்படுத்தப்பட்டு வருவதாகவும் அத்தகைய திட்டங்களை மக்களுக்கு அறிவிக்குமாறும் நிதி அமைச்சர் கூறியிருந்தார். இதன் போது நான் எந்தவொரு செயல்திட்டங்களையும் தயாரிக்கும்போது எங்களுடைய உள்ளீட்டையும் பெற்றுக்கொள்ள வேண்டும். குறிப்பாக மத்திய அரசாங்கம் செயல்திட்டங்களை தயாரித்துவிட்டு நாங்கள் இவ்வாறு செய்கிறோம் அதனை ஏற்றுக்கொள்ளுங்கள் என்று கூறுவது பிழை என்று கூறியுள்ளேன்.
உண்மையிலேயே அதிகார பரவலாக்கம் இருப்பதாக ஏற்றுக்கொண்டால் எங்களையும் பங்குதாரர்களாக ஏற்று அதனை நடைமுறைப்படுத்த வேண்டும், தயாரிக்க வேண்டும். அதன் பின்னர் அதனை நடைமுறைப்படுத்த வேண்டும். இதனை அமைச்சர் கொள்கை அளவில் ஏற்றுக்கொண்டுள்ளார். அமைச்சர் அதிகார பரவலாக்கத்திற்கு தன்னுடைய முழுமையான ஒத்துழைப்பை வழங்கிவருபவர் என்பதால் அதனை ஏற்றுக்கொண்டார்.
மகாவலி அதிகாரசபையின் அதிகாரங்கள் முழு நாட்டிற்கும் பரவியுள்ளதால் 1987ஆம் ஆண்டில் இல் கொண்டுவரப்பட்ட அதிகார பரவலாக்கம் குறித்த கருத்தில் எடுத்துக்கொள்ளப்படவில்லை. இதன் காரணத்தினால் தான்தோன்றித்தனமாக மகாவலி அதிகாரசபை தனக்கேற்றதுபோல் செயற்பட்டு வருகின்றது. இதனை நிறுத்த வேண்டும் ஏன் என்றால் மகாவலி அதிகார சபை அதிகாரங்கள் மீளப்பெற்று அதற்குப் பதிலாக வேறு அதிகாரம் கொண்டுவரப்பட வேண்டும்.
1987 ஆம் ஆண்டு மாகாண சபைகளுக்கு தரப்பட்ட உரித்துக்களை எடுத்து அரசாங்க அதிபருக்கும், கிராமசேவையாளர்களுக்கும் கொடுத்து எங்களுடைய அதிகாரங்களை குறைத்துள்ளது. இவற்றை குறைக்காது அதனை மீளப்பெறப்படல் வேண்டும்.
1987 ஆம் ஆண்டு மாகாண சபைகளுக்கு கொண்டுவரப்பட்ட சட்டத்தின் முழு அதிகாரமும் எங்கள் கைவசம் இருக்க வேண்டும் என்ற கருத்தையும் முன்வைத்தேன் என்றார்.
Home
ஈழச்செய்திகள் 1987 ஆம் ஆண்டு மாகாண சபைகளுக்கு கொண்டுவரப்பட்ட சட்டத்தின் முழு அதிகாரமும் எங்கள் கைவசம் இருக்க...
