பளையில் இன்று (18) ஞாயிற்றுக்கிழமை இடம்பெற்ற வாகன விபத்தில் ஒருவர் உயிரிழந்துள்ளதுடன் மற்றொருவர் படுகாயமடைந்துள்ளார்.
பளை தர்மகேணி பகுதியில் சிறீலங்கா இராணுவத்தின் வாகனம் இருசக்கர வாகனத்தின்மீது மோதியதாலேயே இவ்விபத்து நேர்ந்துள்ளது.
இருசக்கர வாகனத்தில் பயணம் செய்த இருவரில் ஒருவர் உயிரிழந்துள்ளதுடன் மற்றையவர் படுகாயமடைந்த நிலையில் பளை பிரதேச வைத்தியசாலையிலிருந்து மேலதிக சிகிச்சைக்காக யாழ். போதனா வைத்தியசாலைக்கு அனுப்பப்பட்டுள்ளார்.
ஒரு பிள்ளையின் தந்தையான குணசீலன் ஜெசிந்தன் (29 வயது) என்பரே உயிரிழந்தவர் . தர்மகுலசிங்கம் தர்மகுமார் (27 வயது) என்பவரே படுகாயமடைந்து யாழ். போதனா வைத்தியசாலையில் அனுமதிக்கப் பட்டுள்ளார்.
இவ்விதமே 24.01.2017 அன்று புங்குடுதீவுப் பகுதியில் இருசக்கர வண்டியில் பயணம் செய்தவர்கள் மீது சிறீலங்கா படையினரின் வாகனம் மேதியதில் அதில் பயணம் செய்த 09 வயதுடைய கல்லூரி மாணவி பலியாகி இருந்ததுடன் மற்றொருவர் படுகாயமடைந்திருந்தது குறிப்பிடத்தக்கது.
