சிறீலங்கா அரச நிறுவனங்களில் பணிபுரியும் உத்தியோகத்தர்கள் ஓய்வுபெறும் வயதெல்லை 67 ஆக உயர்த்தப்பட்டுள்ளது. இது பற்றிய சுற்றறிக்கை ஒன்று வெளியிடப்பட்டுள்ளது என்று தெரிவிக்கப்பட்டது.
2007ஆம் வெளியிடப்பட்ட சுற்று நிருபத்தில் அரச உத்தியோகத்தர்கள் ஓய்வுபெறும் வயதெல்லை 60 என்று வரையறை செய்யப்பட்டிருந்தது. கடந்த 20ஆம் திகதி வெளியிடப்பட்ட சுற்றறிக்கையின்படி இந்த வயதெல்லை 67ஆக உயர்த்தப்பட்டுள்ளது என்று தெரிவிக்கப்பட்டுள்ளது.
ஓய்வுபெறும் வயதெல்லை இவ்வாறு வரையறை செய்யப்பட்டிருப்பினும் நோய் உட்பட தேவையின் நிமித்தம் அதற்கு முன்னரே ஓய்வு பெற்றுக்கொள்ளமுடியும் என்றும் தெரிவிக்கப்பட்டுள்ளது.
