மைத்திரி – ரணில் கூட்டு அரசு 2020ஆம் ஆண்டு வரை தொடர வேண்டும். முன்னாள் அரச தலைவர் மகிந்த ஆதரவுடன் புதிய அரசு அமையுமானால் இலங்கைக்கான அனைத்து உதவிகளும் நிறுத்தப்படும். இவ்வாறு கொழும்பில் உள்ள மேற்குலக நாடுகளின் இராஜதந்திரிகள் எச்சரிக்கை விடுத்துள்ளனர்.
நல்லாட்சி அரசைத் தொடர்ந்து செயற்படுத்துவதற்கு தேவை யான உதவிகளை மேற்குலக நாடுகள் வழங்கும். 2020ஆம் ஆண்டுவரை மைத்திரி – ரணில் கூட்டாக ஆட்சி செய்ய வேண்டும் என்று ஆலோசனைகள் முன்வைக்கப்பட்டுள்ளதாக தகவல்கள் கூறுகின்றன.
மகிந்த ராஜபக்ச மற்றும் அவரது சகாக்கள் மீண்டும் ஆட்சியில் அல்லது அரசை நிர்ணயிக்கும் சக்தியாக உருவாகிவிடக் கூடாது என்று மேற்குலக நாடுகளின் இராஜதந்திரிகள் எடுத்துரைத்துள்ளதாகத் தெரிவிக்கப்படு கின்றது.
மைத்திரி – ரணில் நல்லாட்சி குழப்பமடைந்து, மகிந்த ஆத ரவுடன் புதிய அரசு அமையுமானால் நிதியுதவிகள் உள்ளிட்ட அனைத் துச் சலுகைகளும் நிறுத்தப்படும் என்று மைத்திரிபால சிறிசேன தலைமையிலான சிறீலங்கா சுதந்திரக் கட்சிக்கு அமெரிக்க இராஜதந்திரி ஒருவர் எச்சரிக்கை விடுத்துள்ளார் என்றும் தகவல்கள் கூறுகின்றன.
உள்ளூராட்சித் தேர்தலில் மகிந்த அணி பெருவெற்றி பெற்ற செய்தி வெளியானபோது சிறீலங்காவிற்கான இந்திய மற்றும் அமெரிக்க தூதுவர்கள் சிறீலங்கா அரசதலைவர் மைத்திரிபால சிறிசேனாவை சந்தித்து மைத்திரி – ரணில் ஆட்சி தெடரவேண்டும் என கூறியதாக செய்திகள் வெளியாகி இருந்தது குறிப்பிடத்தக்கது.
