பாரிசு லாச்சப்பலில் தமிழீழத் தேசியத்தலைவர் அவர்களின் 63 ஆவது பிறந்தநாள்: இயக்குநர் கௌதமன் கலந்துகொண்டார்!

தமிழீழத் தேசியத் தலைவர் அவர்களின் 63 ஆவது பிறந்தநாள் நிகழ்வுகள் பிரான்சு லாச்சப்பல் பகுதியில் நேற்று இரவு பிரான்சு தமிழர் ஒருங்கிணைப்புக்குழு செயற்பாட்டாளர்களினால் உணர்வு பூர்வமாகக் கட்டிகை வெட்டி கொண்டாடப்பட்டது.
இந்நிழ்வில் தமிழகத்தில் இருந்து பிரான்சு மாவீரர் தினத்தில் கலந்துகொள்வதற்காக வருகைதந்திருந்த தமிழின உணர்வாளர் இனமான இயக்குநர் திரு. கௌதமன் அவர்கள் கலந்துகொண்டிருந்தார்.
அவர் சிறப்புரையாற்றுகையில் தமிழீழத் தேசியத்தலைவர் அவர்களின் வீரத்தினையும் அவர்பற்றிய பெருமைகளையும் மெய்சிலிர்க்க பேசியிருந்தார். அத்துடன் பிரான்சு தமிழர் ஒருங்கிணைப்புக்குழுவின் ஏற்பாட்டில் லாபிளான் செந்தனிப் பகுதியில் இடம்பெறுகின்ற மாவீரர் நாள் நிகழ்வுகளில் அனைவரையும் கலந்துகொள்ளுமாறு அழைப்புவிடுத்தார்.
நிகழ்வில் பெரும் எண்ணிக்கையானோர் கலந்துகொண்டனர்; அனைவருக்கும் கட்டிகை வழங்கப்பட்டதுடன், தமிழீழத் தேசியத்தலைவர் அவர்களின் பிரமாண்டமான புகைப்படமும் நினைவுக் கேடயமும் இலவசமாக வழங்கப்பட்டது.