தமிழ் மக்களின் விடுதலைக்காக தமது தம் இன்னுயிர்களை உவந்தளித்த புனிதர்களாகிய மாவீ ரர்களை நினைவுகூருவதற்காக எதிர்வரும் நவம்பர்-27 தமிழீழ மாவீரர் நாளைக் கடைப்பிடிப்பதற்கு இப்போதே தயாராகுமாறு கிளிநொச்சி மாவட்ட மாவீரர் பணிக்குழு அழைப்பு விடுத்துள்ளது.
கிளிநொச்சி மாவீரர் பணிக்குழுவின் செய்தியாளர் சந்திப்பு கிளிநொச்சி மாவட்ட வைத்தியசாலை முன்பாவுள்ள இடத்தில் நேற்று (29) மாலை நடைபெற்றது. அங்கு பணிப்புழு இவ்வாறு அழைப்பு விடுத்தது.
கிளிநொச்சி மாவட்ட மாவீரர் பணிக்குழுவின் தலைவர் சுப்பிரமணியம் பசுபதிப்பிள்ளை இது தொடர்பில் மேலும் தெரிவிகையில்.
தமிழ் மக்களின் விடுதலைக்காக தாம் வாழவேண்டிய வயதில் தம்மையே கொடையாக்கிய புனி தர்களாகிய மாவீரர்களை ஒவ்வொரு வருடமும் நவம்பர்-27 ஆம் திகதி மாவீரர் நாளாக தமிழர் தாயகத்திலும் புலம்பெயர் தேசங்களிலும் தமிழ் மக்கள் மிகவும் உணர்வெழுச்சியாகக் கடைப்பி டிப்பது வழமை.
அந்த வகையில் இந்தமுறையும் கிளிநொச்சி மாவட்டத்திலுள்ள கனகபுரம் மாவீரர் துயிலும் இல் லம், முழங்காவில் மாவீரர் துயிலும் இல்லம் ஆகியவற்றில் உணர்வெழுச்சியாகக் கடைப்பிடிக் கத் தயாராகி வருகின்றோம்.
2008 ஆம் ஆண்டின் பின்னர் 7 வருடங்கள் தமிழர் தாயகப் பகுதிகளிலுள்ள மாவீரர் துயிலும் இல்லங்களில் தமிழ் மக்கள் தமது உறவுகளான மாவீரர்களை விதைத்த கல்லறைகளில் சுடரேற்றி நினைவுகூர முடியாதபடி சிறீலங்கா இராணுவத்தினர் மாவீரர் துயிலும் இல்லங்களை இடித்த ழித்துத் துவம்சம் செய்திருந்தனர்.
மாவீரர் துயிலும் இல்லங்களிலுள்ள மாவீரர்களின் கல்லறைகளின் மேல் சிறீலங்கா இராணுவ முகாம்களும் அமைக்கப்பட்டுள்ளன. இராணுவ அச்சுறுத்தல்களும் காணப்பட்டன.
ஆட்சி மாற்றத்தைத் தொடர்ந்து கிளிநொச்சி மாவட்டத்திலுள்ள மாவீரர் துயிலும் இல்லங்களிலி ருந்த சிறீலங்கா இராணுவ முகாம்கள் அகற்றப்பட்டு துயிலும் இல்லங்கள் இராணுவக் கண் கா ணிப்பின் கீழ் காணப்பட்டன.
மாவீரர்களான தமது உறவுகளை மாவீரர் நாளில் மாவீரர் துயிலும் இல்லத்தில் நினைவுகூருவதற் காகக் காத்திருந்த மாவீரர்களின் உறவுகள் கடந்த வருடம் கிளிநொச்சி மாவீரர் துயிலுமில்லங் க ளுள் தற்துணிவாகச் சென்று சிரமதானம் செய்து கடந்த வருடம் மாவீரர் நாள் நிகழ்வுகளை மிக வும் உணர்வெழுச்சியாகக் கடைப்பிடித்திருந்தோம்.
ஆனாலும் தமிழர் தாயகத்தின் பல பாகங்களிலும் உள்ள மாவீரர் துயிலும் இல்லங்களின் மீது இராணுவ முகாம்கள் தற்போதும் காணப்படுகின்றன. அவை எப்போது விடுவிக்கப்படும், அங்கு விதைக்கப்பட்ட எமது உறவுகளான புனிதர்களை எப்போது அங்கே அவர்களின் கல்லறைகளில் நினைவுகூரப்போகின்றோம் என்ற எதிர்பார்ப்புக்களுடனும் ஏக்கத்துடனுமே நாம் இருக் கி றோம்.
கிளிநொச்சி மாவட்டத்திலுள்ள மாவீரர் துயிலும் இல்லங்களான கனகபுரம் மாவீரர் துயிலும் இல்லம், முழங்காவில் மாவீரர் துயிலும் இல்லம் ஆகியவற்றில் இந்தமுறையும் மிகவும் உணர் வெழுச்சியாக மாவீரர் நாள் நிகழ்வுகள் நடைபெறவுள்ளன.
மாவீரர் நாள் நிகழ்வுகளை உணர்வெழுச்சியாகவும் சீரான ஒழுங்குபடுத்தலுடனும் கடைப்பிடிப் பதற்காக மாவீரர் நாள் ஒழுங்கமைப்புப் பணிக்குழு அமைக்கப்பட்டுள்ளது.
கிளிநொச்சியின் பல பாகங்களிலும் இருந்தும் மாவீரர்களது உறவினர்கள், முன்னாள் போராளி கள், மதகுருமார் ஆகியோரை உள்ளடக்கி சட்டப்படி பிரதேச சபையினது அனுமதியுடன் இந்தப் பணிக்குழு அமைக்கப்பட்டுள்ளது.
தமிழ் மக்களின் விடுதலைக்காகப் போராடிய தமிழீழ விடுதலைப் புலிகள் அமைப்பில் இணைந்து தமிழர்களின் விடிவுக்காகப் போராடி தம் இன்னுயிரையே கொடையாக்கிய எமது மாவீரர்களை நவம்பர்-27 அன்றைய தினம் நினைவுகூருவதற்கு தயாராகும் நாம் அரசியலுக்கப் பால் சென்று கட்சி பேதங்களை மறந்து நாம் எல்லோரும் உணர்வுள்ள தமிழர்கள் என்ற எண் ணத்துடன் செயற்படத் தயாராகுவோம் எந் தெரிவித்தார் .
