எமது மண்ணில் போர் உக்கிரமாகநடந்த காலத்தில் இந்த மண்ணைவிட்டு போகாமல் தன் மண்ணிலேயே வாழ்ந்து பணிசெய்து இந்த மண்ணிலேயே வீழ்ந்து காவியமாகி தன் கொள்கையை நிரூபித்த கொள்கைவாதி மாமனிதர் கி . சிவநேசன் அவர்களது நினைவுநாளும் மண்டபத்திறப்பு விழாவும் நேற்று பிரதேசசபை உறுப்பினர் பொ.தம்பிமுத்து தலைமையில் நடைபெற்றது.
இதில் நினைவு பேருரையை பா.உறுப்பினர் சி.சிறீதரன் மற்றும் கஜேந்திரகுமார் பொன்னம்பலம் ஆகியோர் ஆற்றியிருந்தனர்.
இதில் தமிழ் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் அவ்வமைப்பின் செயலாளர் கஜேந்திரன் மற்றும் எமது கட்சி உறுப்பினர்களான வடமாகாண சபை உறுப்பினர் சிவாஜிலிங்கம் வடமாகாண சபையின் அவைத்தலைவர் சி.வி.கே.சிவஞானம் வடமாகாண சபை உறுப்பினர்களான சிவயோகன் சுகிர்தன் பிரதேசசபை தலைவர் பொ.வியாகேசு கரவெட்டி கிராம அலுவலர் பிரேந்திரா பனை தென்னை வள அபிவிருத்தியின் முன்னோடியான நடராஜா ஆகியோர் கலந்துகொண்டு மாமனிதர் சிவனேசனின் திருவுருவப்படத்துக்கு வணக்கம் செலுத்தினர்.
மறைந்த மாமனிதர் கி.சிவனேசன் போராட்டத்தின் சிறந்த கடமையாளனாகவும் ஓயாமல் மக்களுக்கு சேவையாற்றிய கூட்டுறவாளனாகவும் அறியப்பட்டவர்.போராட்ட காலத்தில் தமிழ் மக்களின் சார்பாக உரத்த குரலாக நெருக்கடிகளின் மத்தியில் ஓங்கி பாராளுமன்றத்தில் ஒலித்தது என்பது குறிப்பிடத்தக்கது.
