இலங்கையில் இடம்பெற்ற இன அழிப்புத் தொடர்பில் மேற்கொள்ளப்பட்ட போர்க் குற்ற விசாரணை அறிக்கை மார்ச் மாதம் நடைபெறவிருக்கும் ஐ.நா. மனித உரிமை அமர்வில் கண்டிப்பாக சமர்ப்பிக்கப்படுமென எதிர்பார்ப்பு தமிழ் மக்கள் மத்தியில் நிலவியிருந்தது .
இருப்பினும் இலங்கையில் ஏற்பட்டுள்ள ஆட்சி மாற்றம் உள்ளிட்ட சில விடயங்களை அடிப்படையாகக் கொண்டு இலங்கை தொடர்பான அறிக்கையை வெளியிடுவதை மேலும் ஆறு மாதம் ஒத்திவைக்க ஐ.நா. மனித உரிமை ஆணையாளர் முடிவெடுத்துள்ளதாகக் கூறப்படுகின்றது.
அந்தவகையில் ஐ.நா.வின் விசாரணை அறிக்கையை கண்டிப்பாக மார்ச் இல் நடைபெற இருக்கும் ஐ.நா. மனித உரிமை அமர்வில் சமர்ப்பிக்கப்படவேண்டுமென எதிர்வரும் 24.02.2015 தாயகத்திலும் புலம்பெயர் தேசங்களிலும் கவனயீர்ப்பு போராட்டங்கள் முனெடுக்கப்படுகின்றது .காலத்தின் தேவை கருதி அனைத்து மக்களும் இப் போராட்டங்களில் கலந்துகொள்ளுமாறு வேண்டிக்கொள்கின்றோம் .
அனைத்துலக ஈழத்தமிழர் மக்கள் அவை (ICET)
