வெளியாகியுள்ள இடைக்கால அறிக்கை தொடர்பில், கேள்வி பதிலாக வடக்கு மாகாண முதலமைச்சர் திரு சி.வி.விக்னேஸ்வரன் அவர்கள் அவர் அனுப்பி வைத்த ஊடக அறிக்கையில் தெரிவிக்கப்பட்டுள்ளதாவது:
‘உத்தேச அரசமைப்புத் திருத்தத்துக்கான இடைக்கால அறிக்கை வெளிவந்துள்ள நிலையில் தமிழர் தரப்பிலிருந்து பரவலான அதிருப்தியும் எதிர்ப்பும் கிளம்பியுள் ளதை அவதானிக்கக் கூடியதாக உள்ளது. இது தொடர்பில் தங்களது நிலைப்பாடு என்ன?’
பதில் – முழுமையாக ஆவணத்தைப் பரிசீலிக்க எனக்கு நேரம் போதவில்லை.
எனது அவதானம், ஒருவர் நோயுற்றிருந்தால் அந்தநோய் என்ன? என்று முதலில் அறிந்துகொள்ள வேண்டும். அதன்பின் அந்த நோய்க்கு எவ்வாறான சிகிச்சை அளிக்கவேண்டும் என்று ஆராயவேண்டும். அந்த ஆராய்வின் முடிவில் சிகிச்சை ஆரம்பிக்கப்பட்டு நோயைத் தீர்க்கமுயற்சிக்கவேண்டும்.
இப்போது எமது நோயைச் சரியாகப் புரிந்து கொள்ளவில்லை என்பதே எனது கருத்து. நோயைப் புரிந்து கொள்ளாது மருந்துகளைப் பற்றிய சர்ச்சையில் ஈடுபட்டுள்ளோம். நோயைப் புரிந்து கொள்ள நோயின் சரித்திரம் மிகஅவசியம். எவ்வாறான பின்புலம் இன்றைய நோயை ஏற்படுத்தியது என்று அறிந்தால்தான் உரிய சிகிச்சையைப் பரிந்துரைக்கலாம். நோயைப் புரிந்துகொள்ளாது சிகிச்சையில் நாம் ஈடுபட்டுள்ளோம் என்பதே எனது அவதானம்.
இடைக்கால அறிக்கை நோயை அறிந்ததாகவோ, தீர்க்கப் போதுமானதாகவோ தென்படவில்லை. நோயை அறியாத சிகிச்சை தோல்வியில் முடியும்.
இடைக்கால அறிக்கை தமிழர்களுக்கு மிகுந்த ஏமாற்றத்தையும் அதிருப்தியையும் ஏற்படுத்தும் என்பது திண்ணம். சிங்கள பௌத்த மேலாதிக்கத்தை உறுதிப்படுத்துவதாகவே உள்ளது. எதனைப் புறக்கணித்து நாம் எழுபது வருடங்களுக்கு மேலாகப் போராடி வந்தோமோ அதனை வலியுறுத்துவதாகவே அறிக்கை அமைந்துள்ளது.
சிங்களத் தலைவர்கள் அரசியல் அதிகாரத்தைத் தம்வசம் எடுத்துக் கொண்டு தாம் செய்ததே சரியென்ற அடிப்படையில் இதுவரைகாலமும் நடந்துகொண்டதே எமது அரசியல் நோய்க்கு மூல காரணம்.
ஒற்றையாட்சியை நிராகரித்து தமக்குரிய அரசியல் தீர்வாக கூட்டாட்சிக் (சமஷ;டி) கோரிக்கை யைத் தமிழர்கள் முன்வைத்துள்ளநிலையில் தொடர்ந்தும் ஒற்றையாட்சி முறைமையைத் தக்க வைக்கும் பொருட்டு வார்த்தைப் பிரயோகங்களில் ஏமாற்ற முற்பட்டுள்ளமை அருவருப்பை ஏற்படுத்துகின்றது.
ஒருநாட்டினுடைய ஆட்சிக் கட்டமைப்பைக் குறிக்கப் பயன்படுத்தப்படும் பன்னாட்டு ரீதியில் ஏற்றுக் கொள்ளப்படக் கூடிய ஒரு பொருத்தமான வார்த்தையைப் பயன்படுத்தாது ‘ஏகியரட’ என்கின்ற சிங்களச் சொற்பதத்தைப் பயன்படுத்தியிருக்கின்றார்கள். ‘எக்சத்’ என்ற பதத்தைப் பாவிக்காது ‘ஏகியரட’ என்று கூறியமை அறிக்கை ஆக்கியோரின் கபடத் தனத்தை வெளிக்காட்டு கின்றது.
தமிழ் மக்களின் சுயநிர்ணய உரிமை அங்கீகரிக்கப்பட்டு இணைந்த வடக்கு – கிழக்கில் கூட் டாட்சி அடிப்படையிலான அதிகாரம் பகிரப்படவேண்டும் என்கின்ற தமிழ் மக்களின் கோரிக்கை இந்த இடைக்கால அறிக்கையில் முற்றாக நிராகரிக்கப்பட்டுள்ளதாகவே கருதமுடி யும்.
‘தமிழ்த் தேசிய கூட்டமைப்புத் தேர்தல் காலத்தில் வாக்குறுதி அளித்தவாறு வடக்கு – கிழக்கு இணைப்புபற்றியும் ஐக்கிய இலங்கை – மாகாணங்களின் ஒன்றிணைப்பு பற்றியும் பின்னிணைப் பில் வலியுறுத்தியுள்ளதே அது பற்றி தாங்கள் என்ன நினைக்கிறீர்கள்?’
பதில் – அறிக்கையின் ஆங்கிலப் பிரதியைப் பார்த்தீர்களானால் தமிழ்த் தேசிய கூட்டமைப்பு ஏறத்தாழ 70 வருடங்களாக தமது உரிமைகளுக்காகப் போராடிக் கொண்டிருக்கும் எமது இனத் தின் கோரிக்கைகளை வெறும் ஒன்றேகால் பக்கத்துக்குள் அடக்கியிருக்கின்றது என்பது தெரியவ ருகின்றது. வேறு அறிக்கைகளைக் குறிப்பிட்டுள்ளதே தவிர திடமாகத் தமக்கு வேண்டியவற் றைக் கூறத் தவறியுள்ளது. வடக்கு மாகாண சபையும் தமிழ் மக்கள் பேரவையும் போதுமான விவரங்களுடன் தமது அறிக்கைகளைச் சமர்ப்பித்திருந்தன.
மத்திய அரசுக்கும் மாநிலத்துக்கும் இடையே அதிகாரங்கள் பகிரப்படவேண்டும் எனக் கூறப் படுகின்றதே தவிர, என்னென்ன அதிகாரங்கள் மாநிலத்துக்கு ஒதுக்கப்படவேண்டும் என்பன பரிந்துரை செய்யப்படவில்லை. ஒட்டு மொத்தத்தில் இந்த இடைக்கால அறிக்கையானது தமிழ ரின் இனப் பிரச்சனை தொடர்பான பயணத்தை பின்னோக்கி நகர்த்தியுள்ளதாகவே கருதலாம்.
‘இந்த இடைக்கால அறிக்கைக்கு நீங்கள் ஆதரவு வழங்குவீர்களா?’
பதில் – நோய்க்கு மருந்து கொடுக்காவிட்டால் நோய் தீராது. தொடரப் போகும் நோய்க்கு ஆதரவு வழங்கச் சொல்கிறீர்களா? அரைகுறைத் தீர்வு ஒரு போதும் நோய்க்கு மருந்தாகாது. தொடர்ந்து போராட வேண்டிய நிர்ப்பந்தத்தையே இந்த இடைக்கால அறிக்கை எமக்கு நல்கியுள்ளது. எனத் தெரிவிக்கப் பட்டுள்ளது .
Home
ஈழச்செய்திகள் தொடர்ந்து போராட வேண்டிய நிர்ப்பந்தத்தையே இந்த இடைக்கால அறிக்கை எமக்கு நல்கியுள்ளது!
